San Lucas 22:43 - Tüpä Ñe'ëngagwer

⁴³ A'ese oyemboyekwa ñepëi mbigwai ɨva pendar chupe, seko momirätä agwä.

Tũpa Ñehengagüer

⁴³ Evocoiyase oyemboyecua Tũpa rembiguai chupe, seco momirata ãgua.

San Lucas 22:43 Iomraidhean Croise

San Mateo 26:53

¿Ndereikwai vo che aporanduse che Ru upe che pɨtɨ̇vɨï agwä rese viña, a'e kurïtëi omboura doce mil sui seta katu va'e gwembigwai che repɨ agwä viña?

San Mateo 4:11

A'ese karugwar oyepepɨ Jesús sui, ipare mbigwai ɨva pendar yuvɨraso sese añeko agwä.

San Mateo 4:6

aipo e'i chupe: –Tüpä Ra'ɨrɨ ite nde rekose, evɨapi ko'ave sui; esepia Ikwachiaprɨ pɨpe aipo e'i: ‘Tüpä oyokwaira gwembigwai eta nde rärö agwä. A'e nde mopü'ara opo pɨpe yuvɨreko, ñepëi ita nde momarä rägwer sui.’

San Lucas 22:32

che rumo ayerure nde rese, ipane e'ɨ̇ agwä nde pɨ'a ñemoñetasa. Iyavei nde, ereyevɨse cheu, eipɨtɨ̇vɨï katu nde rɨvrɨ eta imovɨräkwä agwä yuvɨreko oyese.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Los Hechos 18:23

Opɨta puku pare a'eve, osë ogwata iri Galacia rupi Frigia rupi avei, opakatu Jesús reroyasar mongere'ɨ̇ agwä.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

Hebreos 1:6

Ichui rumo ombouse Gwa'ɨrɨ ñepëi va'e ko ɨvɨ pɨpe, aipo e'i: “Tomboetei opakatu mbigwai Tüpä suindar yuvɨreko.”

Hebreos 2:17

Sese ni'ä sekoi vɨvɨreta nungar tuprɨ ite, sekoi va'erä pa'i eta rerekwar ɨvate katu va'e Tüpä upe oporavɨkɨ agwä, tomondo gwetekwer ava angaipa repɨrä ñeröisa reime agwä oyapave.