San Lucas 22:37 - Tüpä Ñe'ëngagwer

³⁷ Supiete amombe'u peü yavɨyerane itera ko che rese Ikwachiaprɨ pɨpe: ‘Iyavei ipapasa ava naporäi va'e pa'üve.’ Opakatu ikwachiaprɨ che resendar, yavɨyerane itera.

Tũpa Ñehengagüer

³⁷ Supi eté amombehu pẽu: iyacatu ité imboavɨye tuprɨ ãgua co che rese ñehesa imombehuprɨ aipo ehi vahe: ‘Ava vɨreco ndaseco põrai vahe nungar yuvɨreco’ ehi vahe. Supi eté yavɨyera co icuachiapɨrer che resendar —ehi.

San Lucas 22:37 Iomraidhean Croise

San Marcos 15:27

Supive avei yatɨkasa ñuvɨrïo imondarai va'e, ñepëi mba'e rese ipokosa kotɨ, ambuae mba'e rese ipokoe'ɨ̇sa kotɨ.

San Marcos 15:28

Egwë e'i imboavɨyesa Ikwachiaprɨ pɨpe aipo e'i va'e: ‘Ipapasa ava mba'e-mba'e tëi aposar pa'üve.’

San Lucas 18:31

Jesús oñe'ë kokotɨ opayandepo yovaive ñuvɨrïo yuvɨrekoi va'e gwemimbo'e upe, aipo e'i: “Kurïtëi yasora Jerusalén ve, a'eve yavɨyera ko Tüpä ñe'ë mombe'usar rembikwachiagwer ko che ava ɨvate katu va'e Ra'ɨrɨ resendar ñe'ësa.

San Lucas 22:22

Supiete imboavɨyesa itera che ava ɨvate katu Ra'ɨrɨ rese ñe'ësa yɨpɨve imombe'uprɨ rese, ¡iparaɨsu katura rumo akoi mbɨa che mondosar!

San Lucas 22:36

Evokoiyase aipo e'i: –Kurïtëi rumo, akoi vɨreko va'e gwarepochi, togweruño yuvɨreko, iyavei tembi'u vɨreko va'e; iyavei ndovɨrekoi va'e kɨse puku, tomondo oyeaosa ñepëi kɨse puku repɨrä.

San Lucas 22:52

Ipare aipo e'i pa'i eta rerekwar upe, tüpäro rärösar upe avei, mborerekwar tekwa pɨpendar upe avei, yugweru va'e seka yuvɨreko: –¿Ma'erä vo peyu kɨse puku rese iyavei ɨvɨra reseve-seve rutei, inungar imondarai va'e che rereko peye?

San Lucas 23:32

Iyavei vɨraso ñuvɨrïo oporapichi va'e yuvɨreko yatɨkapɨrä oyoya Jesús rese.

San Lucas 24:27

Ipare opa omombe'u opakatu tuprɨ ite Ikwachiaprɨ oyese ñe'ësa resendar, omboɨpɨ Moisés kwachiar rese opakatu Tüpä ñe'ë mombe'usar kwachiar pɨpendar avei.

San Juan 10:35

Yande yaikwa ite Ikwachiaprɨ pɨpe aipo e'i va'e, ndiyai ete ani ya'e, esepia Tüpä aipo e'i pe tüpä päve ite peiko e'i evokoi ava oñe'ë mombe'usar upe.

San Juan 17:4

“Che ni'ä oromboetei ko ɨvɨ pɨpe nderereko, iyavei amboavɨye ite nde porokwaita chekwai va'e rese eve.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Gálatas 3:13

Moisés porokwaita mboavɨye e'ɨ̇sa pɨpe yakañɨ tëira viña, Cristo rumo yande renose yande kañɨ tëi rägwer sui, a'e ae opa oipɨsɨ ñemoɨrösa yande repɨrä, esepia Ikwachiaprɨ pɨpe aipo e'i: “Opakatu ava imboyasekoprɨ ɨvɨra rese, oipɨsɨ ñemoɨrösa yuvɨreko.”