San Lucas 21:7 - Tüpä Ñe'ëngagwer

⁷ Evokoiyase oporandu yuvɨreko chupe: –Porombo'esar, ¿mba'ese vo oimerä aipo nungar? ¿Mba'e rese pi'ä ikwasara poromondɨisa ou va'erä kuri?

Tũpa Ñehengagüer

⁷ Evocoiyase semimbohe eta oporandu yuvɨreco chupe: —Ore mbohesar, ¿mbahese vo aipo mbahe yavɨyera? ¿Mbahe poromondɨisa rese rane vo icuasara curi? —ehi yuvɨreco.

San Lucas 21:7 Iomraidhean Croise

San Mateo 24:3

Ipare yuvɨraso ka'a Olivos ve. A'eve Jesús ogwapɨ öi, ichui semimbo'e eta oyemboya oporandu agwä mba'e rese kokotɨ yuvɨreko chupe: –Oroipota eremombe'u oreu mba'ese vo oimerä aipo nungar. ¿Mba'e poromondɨisa rese rane vo ikwasara nde yu agwä iyavei arɨ kañɨ agwä kuri?

San Marcos 13:14

“Pesepiase tüpäro maräne'ɨ̇ pɨpe mba'e-mba'e tëi aposa–akoi oyerokɨ va'e, a'e tosendukwa tuprɨ–, evokoiyase akoi yuvɨrekoi va'e ɨvɨ Judea rupi, toñemi poyava ɨvɨtrɨ rese yuvɨreko;

San Lucas 21:32

“Supiete opakatu ava kurïtëindar osepia rane itera ko mba'e yuvɨreko omano e'ɨ̇ seve.

San Lucas 21:6

–Oimerä arɨ opakatu ko mba'e kurïtëi pesepia va'e pɨpe ndipoi chietera ñepëi ita oye'a vɨte va'e. Opakatu ite imondurusara kuri.

San Lucas 21:8

Jesús omboyevɨ chupe: “Peikwa katu peyembopa ukai rene. Esepia ni'ä seta ava yugwerura cherer pɨpe. Aipo e'ira yuvɨreko: ‘Che aiko Poropɨsɨrösar’, iyavei ‘Kurïtëi osupitɨ arɨ imombe'uprɨ.’ Pe rumo ndapegwatai chira supi yuvɨreko.