San Lucas 21:34 - Tüpä Ñe'ëngagwer

³⁴ “Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

Tũpa Ñehengagüer

³⁴ “Peicua catu, aní pemboavai eteprɨ pe mbahe reroya ãgua mbahe tẽi aposa pɨpe, pe caguar tẽisa pɨpe, co ɨvɨ pɨpendar tecocuer rese pe pɨhañemoñeta tẽisa pɨpe avei. Evocoiyase topoesapɨha eme

San Lucas 21:34 Iomraidhean Croise

San Mateo 13:22

Mba'e rä'ɨi ñotɨ̇mbrɨ yu pa'ü rupi, a'e inungar ava osendu va'e Tüpä ñe'ëngagwer, ko ɨvɨ pɨpendar mba'e eta rese ipɨ'a ñemoñeta gwasuai iyavei mba'e potaraisa pɨpe oyembopa uka oiko. Iyavei opakatu ko Tüpä ñe'ëngagwer omokanɨ, ichui sekokwer ndavɨye iri ete, inungar mba'e mitɨ̇ ndi'ai va'e.

San Marcos 13:9

“Peñearö katu peae peiko; esepia pe rerasora mborerekwar rovai yuvɨreko, iyavei pe nupära oɨ judío ñemonu'äsa rupi. Pe reraso aveira mborerekwareta rovai, iyavei mborerekwar ɨvate katu va'e rovai che rekokwer sui tëi yuvɨreko; egwë peyera peñe'ë che rekokwer rese chupe.

San Marcos 4:19

a'e rumo ipɨ'a ñemoñeta opakatu omba'e eta ko ɨvɨ pɨpendar rese saɨsusave, oyembopa uka rumo omba'e eta upe, opakatu ite mba'e vɨreko pota viña. Ipɨpe sui oyemokañɨ tëi yuvɨreko, omokañɨ tëi avei Tüpä ñe'ëngagwer. Iyavei ndoyapo ukai mba'e ikatuprɨ va'e chupe.

San Lucas 10:41

Jesús omboyevɨ chupe: –Marta, Marta, ma'erä vo ereyemañeko eteprɨ tëi seta mba'e apo agwä eiko,

San Lucas 12:40

Pe avei egwë peyera peyemoigätu; esepia ni'ä yande Yar Ra'ɨrɨ, oyevɨra pe oyese ma'endu'a e'ɨ̇ pɨpe koiye.”

San Lucas 17:3

¡Sese peñearö tuprɨ!” “Akoi nde rɨvrɨ oyemboangaipase, emboarakwa; oyevɨse gwekokwer tuprɨ pɨpe, a'ese ndeñeröira chupe.

San Lucas 21:35

inungar mba'e mombɨtasar. Esepia yugwerura opakatu ava arɨ rupi ko ɨvɨ pɨpendar upe narä.

San Lucas 21:8

Jesús omboyevɨ chupe: “Peikwa katu peyembopa ukai rene. Esepia ni'ä seta ava yugwerura cherer pɨpe. Aipo e'ira yuvɨreko: ‘Che aiko Poropɨsɨrösar’, iyavei ‘Kurïtëi osupitɨ arɨ imombe'uprɨ.’ Pe rumo ndapegwatai chira supi yuvɨreko.

San Lucas 8:14

Mba'e rä'ɨi seitɨprɨ yu pa'ü rupi, a'e inungar akoi osendu va'e ñe'ësa yuvɨreko, mbegwe-mbegwe rupi rumo oipɨ'añemoñeta mokañɨ seraso, mba'e eta potaraisa pɨpe iyavei yuvɨrekoi pota teko vɨ'asa pɨpe tëi, egwë e'i aveira sembiapo ndipoi chietera rumo mba'e avɨye va'e.

1 Corintios 5:11

Che akoi aipo a'e peü ndapemborɨi chira ava che Jesucristo reroyasar aiko e'i anga'u tëi va'e, oyemboagwasase, anise oipotaraise ambuae ava mba'e, oyerure tëi va'e mba'e ra'anga upe, iyavei ima'echiröiai va'e, kagwar tëi va'e, anise imondarai va'e. Evokoi nungar ava pɨri ñepëi yepe ndapekarui chietera.

Gálatas 5:20

mba'e ra'anga upe yerure tëisa, yembopayesa, ñeroɨrösa, ñe'ëpoepɨ-epɨsa iyavei ambuae ava mba'e pota raisa; ñemoɨrö seraisa, yemboya'o-ya'osa, pɨ'añemoñeta yoyae'ɨ̇sa.

Filipenses 4:6

Ani ndapeyembovɨ'ai chira mba'e ipanese peü, iyakatu rumo peyerurera opakatu evokoi nungar mba'e rese Tüpä upe; peporandura mba'e rese, iyavei avɨye ndeu peyera chupe.

Hebreos 12:15

Peñearö tuprɨ katu, tipo eme ava ndoipɨsɨi va'e Tüpä porovasasa pe pa'üve, iyavei tipo eme mba'e tëi ava pɨ'a pɨpe, avɨyeteramo opakatu rese ova tiëtera.

2 San Pedro 3:10

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.

2 San Pedro 3:14

Sese che rembiaɨsu, pesärö vɨteseve ko tekokwer, egwë peyera opakatu peikatugwer rupi pe reko tuprɨ agwä pe angaipa e'ɨ̇ pɨpe, peü Tüpä peyavɨ mba'e e'i e'ɨ̇ agwä.

Apocalipsis 3:3

Peyemoma'endu'a akoi porombo'esa peipɨsɨ va'e rese; pepoi rene ichui peyevɨ katu Tüpä upe. Ndapeyemovɨräkwäise rumo, asora peü inungar imondarai va'e, egwë a'era vicho pe resapɨ'a.