San Lucas 21:26 - Tüpä Ñe'ëngagwer

²⁶ Ava seta yarakwa kañɨ tëira osɨkɨyepave yuvɨreko opɨ'añemoñeta gwasuaise ko ɨvɨ pɨpe mba'e oime va'erä sui; a'ese avei ɨva resendar opakatu mba'e orɨrɨira.

Tũpa Ñehengagüer

²⁶ Ahese ava setá yaracua cañɨ tẽira osɨquɨyepave yuvɨreco opɨhañemoñeta guasu aise co ɨvɨ pɨpe mbahe oime vaherã sui. Ahese avei ɨva resendar opacatu mbahe orɨrɨira.

San Lucas 21:26 Iomraidhean Croise

San Mateo 24:29

“A'e arɨ pɨpe mba'e-mba'e tëi pare kurïtëimi ndoyekwa iri chira arɨ, yasɨ ndosesape iri chira, yasɨtata avei opara ovɨapi ɨva sui, iyavei ɨva resendar mba'e orɨrɨira yuvɨreko.

San Marcos 13:25

yasɨtata avei opara ovɨapi ɨva sui iyavei ɨva resendar mba'e orɨrɨira yuvɨreko.

San Lucas 21:25

“Oimerä poromondɨisa arɨ rese, yasɨ rese iyavei yasɨtata rese; opakatu ɨvɨ tekwa rupi ava ndayarakwa iri chira yuvɨreko oyembosɨkɨye gwasu-gwasu tëi aveira yuvɨreko paragwasu rɨapugwer renduse.

San Lucas 21:27

A'ese che ava ɨvate katu va'e Ra'ɨrɨ ayekwara ayuse ɨva kɨ'a rese pirätäsa rendɨgwer porañetesa pɨpe.