San Lucas 20:21 - Tüpä Ñe'ëngagwer

²¹ A'e oporandu yuvɨreko chupe: –Porombo'esar, ore oroikwa nde ñe'ë iyavei nde porombo'esa supiete va'e, iyavei nderemboyoavɨratɨi ñe'ësa ava upe imombe'u. Nde ereporombo'e mba'e supi tuprɨ va'e Tüpä rekokwer rese.

Tũpa Ñehengagüer

²¹ Ahe evocoiyase, —Porombohesar, ore oroicua nde ñehe iyavei nde porombohesa supi eté vahe. Iyavei nderemboyoavɨratɨi vahe nde ñehe yepi. Nde rumo ereporombohe mbahe supi tuprɨ vahe Tũpa recocuer rese.

San Lucas 20:21 Iomraidhean Croise

San Mateo 22:16

Egwë e'i imondo opa'ü pendar, ambuae mborerekwar Herodes rupindar reseve aipo e'i va'erä yuvɨreko chupe: –Porombo'esar, ore oroikwa nde supiete mba'e eremombe'use eiko, iyavei ereporombo'e mba'e supi tuprɨ va'e Tüpä rekokwer rese, nde ni'ä ndereroyai va'e ava ñe'ësa tëi, esepia ava pɨ'añemoñeta rupi ndereikoi va'e.

San Marcos 12:14

A'e yuvɨraso aipo e'i yuvɨreko chupe: –Porombo'esar, ore oroikwa nde eremombe'use mba'e supi va'e ite, nde ni'ä ndereroyai va'e ava ñe'ësa tëi, esepia nderesekai ava upe mba'e semimbotar. Nde ereporombo'e tuprɨ supi va'e ite Tüpä rekokwer rese. ¿Avɨyera pi'ä oromboepɨse gwarepochi mborerekwar Roma pendar ɨvate katu va'e upe, ani tie? ¿Oromboepɨravo anichira tie?

San Lucas 20:20

Omondo opa'ü pendar ivɨro agwä, inungar ava ndasekoasɨi anga'u va'e, chupe iñe'ë agwä Jesús upe toyavɨ anga'u oñe'ë oyapave viña vɨraso va'erä mborerekwar Roma pendar rovai yuvɨreko.

San Lucas 20:22

¿Avɨyera pi'ä oromboepɨ orerekosa mborerekwar Roma pendar upe viña, anichira tie?

San Juan 3:2

A'e oso Jesús pɨri pɨ̇tü pɨpe, aipo e'i chupe: –Porombo'esar, oroikwa ite Tüpä nde mbouse ore mbo'e agwä eve, esepia ndipoi ete ava oikatu va'e poromondɨisa apo inungar nde ereyapo va'e, Tüpä oyese seko e'ɨ̇se.

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

Gálatas 1:10

Che ndasekai ava tëi cherekoa'ä agwä, che rumo aseka Tüpä ite cherekoa'ä agwä. Ndasekai che ava rese aiko tuprɨ va'erä. ¡Akoi che tëi asekase aiko tuprɨ va'erä ava rese, evokoiyase nda'ei chietera Cristo rembigwai aiko viña!

Gálatas 2:6

Ko rumo akoi ikwaprɨ Jesús reroyasar rerekwar, nomombe'ui ete yembo'esa ambuae va'e yuvɨreko cheu, oyoyaño ite che porombo'esa rese (yepe okwaita vɨrekora ɨvate yuvɨreko viña. Che rumo nañekuñaröi chietera che rekokwer sui, esepia ni'ä Tüpä nda'ei ava rete tëi osepia).