San Lucas 20:17 - Tüpä Ñe'ëngagwer

¹⁷ Jesús oma'e sese aipo e'i: –Evokoiyase ¿mba'e vo omombe'u ko Ikwachiaprɨ pɨpe?: ‘Ko ita oɨ aposar opaño omombo yuvɨreko a'e oyeapo ita ovɨräkwä tuprɨ katu va'e rese.’

Tũpa Ñehengagüer

¹⁷ Omahese rumo ahe ava rese aipo ehi: —¿Mara oya vo co aipo ehi icuachiaprɨ aracahendar pɨpe?: ‘Co ita oɨ aposar opaño omombo yuvɨreco, ahe ita rumo avɨye catu vahe oɨ movɨracua tuprɨ ãgua’ ehi.

San Lucas 20:17 Iomraidhean Croise

San Mateo 21:42

Jesús evokoiyase aipo e'i chupe: –¿Ndapeyerokɨi ete vo ko Ikwachiaprɨ araka'endar pɨpe? Aipo e'i va'e: ‘Ko ita oɨ aposar opaño omombo yuvɨreko a'e ita oyeapo ovɨräkwä katu tuprɨ va'e ite. Egwë e'i ni'ä ko yande Yar yapo, iyavei kurïtëi yavɨ'arete ite yaiko.’

San Marcos 10:23

Evokoiyase Jesús oma'ese oɨvɨrindar rese, aipo e'i gwemimbo'e eta upe: –¡Yavai ete rumo ava mba'e yar reike agwä Tüpä mborerekwasave!

San Marcos 12:10

“¿Ndapeyerokɨi vo ko Ikwachiaprɨ pɨpe? Aipo e'i va'e: ‘Ko ita oɨ aposar opaño omombo yuvɨreko a'e ita rumo oyeapo ovɨräkwä tuprɨ katu va'e.

San Marcos 3:5

Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

San Lucas 19:41

Oyepota senimise tekwa Jerusalén ve, a'e tekwa repiase Jesús oyase'o sese,

San Lucas 22:37

Supiete amombe'u peü yavɨyerane itera ko che rese Ikwachiaprɨ pɨpe: ‘Iyavei ipapasa ava naporäi va'e pa'üve.’ Opakatu ikwachiaprɨ che resendar, yavɨyerane itera.

San Lucas 22:61

Evokoiyase yande Yar oyemboyere oma'e Pedro rese, Pedro rumo oyemoma'endu'a yande Yar ñe'ë aipo e'i va'e agwer rese: “Ko pɨpe, takura ñe'ë renondeve, ndaikwai va'e erera mbosapɨ yupagwer rupi cheu.”

San Lucas 24:44

Ipare aipo e'i: –Ko rese akoi añe'ë vichiko kwese pe rese aiko vɨtese: yavɨye ranera opakatu ñe'ësa che resendar Moisés porokwaita kwachiaprɨ pɨpe, iyavei Tüpä ñe'ë mombe'usar yuvɨrekoi va'e rembikwachiagwer sapukaisa pɨpe avei.

San Juan 15:25

Ko mba'e oime va'e imboavɨyesa rane itera ñe'ësa ikwachiaprɨ porokwaita pɨpe vɨreko va'e yuvɨreko: ‘Che amotare'ɨ̇ avei che rembiapo e'ɨ̇ pɨpe yuvɨreko.’ ”

Los Hechos 4:11

Ko Jesús pe remieroɨrö, a'e rumo yande vɨräkwäsa. Pe evokoiyase inungar oɨ mopü'asar omomboño va'e ita avɨye katu va'e oɨ movɨräkwäsa rägwer yepi.

Efesios 2:20

Pe inungar tüpäro maräne'ɨ̇ imopü'ambrɨ i'ɨvɨpɨrä arɨ pendar peiko; Jesús ñe'ë mombe'usar iyavei Tüpä ñe'ë mombe'usar evokoiyase inungar i'ɨvɨpɨ yuvɨrekoi tüpäro movɨräkwä agwä Jesucristo rumo inungar ita yɨpɨndar va'e imo'ɨ̇visa yandeu.

1 San Pedro 2:6

Esepia Ikwachiaprɨ pɨpe aipo e'i: “Che amondo ñepëi ita nungar ava avɨye va'e tekwa Sión ve a'e ita imovɨräkwä agwä, a'e che rembiporavo iporañete va'e imboeteiprɨ; akoi oyeroya va'e sese, a'e nimochisai chietera.”