San Lucas 2:25 - Tüpä Ñe'ëngagwer

²⁵ A'e arɨ pɨpe araka'e ñepëi mbɨa sekoi va'e Jerusalén ve Simeón serer va'e. A'e mbɨa avɨye eteprɨ va'e sekokwer, osärö va'e avei Pɨsɨrösar imombe'uprɨ. Espíritu Maräne'ɨ̇ rumo sekoi va'e ite Simeón rese,

Tũpa Ñehengagüer

²⁵ Ahe pɨpe mbɨa Jerusalén ve secoi Simeón serer vahe. Ahe mbɨa avɨye eteprɨ vahe. Oyerure vahe Tũpa upe, osãro vahe avei Israel recua pendar Pɨ̃sɨrosar imombehuprɨ. Ahe secoi vahe ité Espíritu Santo rese.

San Lucas 2:25 Iomraidhean Croise

San Marcos 15:43

José tekwa Arimatea pendar, Porandusa ɨvate katu va'e pendar, a'e Tüpä mborerekwasa osärö va'e oiko, okere'ɨ̇sa pɨpe ite oike oso Pilato upe oporandu agwä Jesús re'ögwer rese.

San Lucas 1:41

Osenduse Isabel avɨrave María suindar, a'ese imembrɨ övɨi sɨe pɨpe, a'ese avei oike Espíritu Maräne'ɨ̇ yavɨterve.

San Lucas 1:6

Ko ñuvɨrïo yuvɨrekoi va'e Tüpä rovai vɨroya opakatu mborokwaita iyavei yande Yar porokwaita yuvɨreko ndoye'oi va'e.

San Lucas 1:67

Zacarías a'e pitani yesupa, savapɨpo Espíritu Maräne'ɨ̇ pirätäsa pɨpe, iyavei oñe'ë Tüpä oyeupe ñe'ësa pɨpe aipo e'i:

San Lucas 2:38

A'ese Ana oyemboyekwa a'e arɨ pɨpe ve, ipare omboɨpɨ avɨye ndeu oya Tüpä upe, ichui oñe'ë Jesús pitani rese opakatu ava Jerusalén pendar osärö va'e gwekwa pɨsɨrö agwä yuvɨreko va'e upe.

Los Hechos 10:2

A'e mbɨa omboetei Tüpä opakatu gwa'ɨrɨ, gwembireko reseve yepi, iyavei omondoño ite judío pɨtɨ̇vɨï agwä gwarepochi, oyerure avei Tüpä upe yuvɨreko yepi.

Los Hechos 10:22

A'e omboyevɨ yuvɨreko chupe: –Ore oroyu sundao rerekwar Cornelio orekwaisa pɨpe a'e mbɨa seko tuprɨ va'e, Tüpä mboeteisar opakatu judío osaɨsuai yuvɨreko. Ñepëi mbigwai ɨva pendar Tüpä suindar oyokwai nde rese, ereso va'erä sëtäve, a'e osendura mba'e eremombe'u va'e.

Los Hechos 2:5

A'e arɨ pɨpe seta iteanga judío yuvɨrekoi Jerusalén ve omboavɨye va'e okwaita Tüpä mboeteisa, a'e oñemonu'ä va'e opakatu ɨvɨ rupindar yuvɨreko.

Los Hechos 24:16

Sese che pɨ'añemoñetasa areko mba'e tuprɨ pɨpe yepi Tüpä rovai ava rovake avei.

2 San Pedro 1:21

esepia nda'ei Tüpä ñe'ë mombe'usar oyesui tëi omombe'u yuvɨreko, a'e rumo ava seko katuprɨ va'e ite, Tüpä omombe'u uka oñe'ë chupe Espíritu Maräne'ɨ̇ pirätäsa pɨpe araka'e.