San Lucas 18:14 - Tüpä Ñe'ëngagwer

¹⁴ Sese aipo a'e peü ko gwarepochi rerokwasar oyevɨ tuprɨ gwëtäve oso, fariseo rumo ani ete. Esepia ni'ä, opakatu akoi oyemboɨvateai va'e, opara seko reroyɨsa; akoi seko mbegwe va'e, a'e rumo seko mboɨvate katusara.”

Tũpa Ñehengagüer

¹⁴ “Sese aipo ahe pẽu: co mbɨa ava sui guarepochi rerocuasar opa oipɨsɨ ñerosa Tũpa suindar güẽtave oso. Fariseo rumo aní eté. Esepia niha, opacatu acoi oyemboɨvate ai vahe, opara seco reroyɨsa. Acoi ava seco mbegüe vahe rumo seco mboɨvate catusara curi” ehi.

San Lucas 18:14 Iomraidhean Croise

San Mateo 23:12

Esepia akoi oyemboɨvateai va'e, opara seko reroyɨsa; iyavei akoi ava seko mbegwe va'e, a'e seko mboɨvate katusara kuri.”

San Mateo 5:3

“Sorɨvete katura ava vɨreko va'e espíritu paraɨsusa oyese, esepia ni'ä chupe narä ite Tüpä mborerekwasa.

San Lucas 1:52

vɨroyɨ mborerekwar seko ɨvate katu va'e ipirätäsa sui iyavei ava seko mbegwemi va'e rumo oseko mboɨvate.

San Lucas 10:29

Moisés porokwaita rese oporombo'e va'e rumo, oikwa pota ite mba'e oyeupe imombe'uprɨ, aipo e'i Jesús upe: –¿Ava vo aipo che kotɨndar sekoi?

San Lucas 14:11

Esepia ni'ä akoi ava oyemboɨvateai va'e, a'e evokoiyase seko reroyɨsara; akoi ava seko mbegwe va'e rumo, a'e seko mboɨvate katusara.

San Lucas 16:15

Jesús aipo e'i chupe: “Pemboyekwa tuprɨ tëi va'e ava rovake perekokwer, Tüpä rumo oikwa pe pɨ'a ñemoñetasa; iyavei ava vɨreko mba'e ɨvate katu eteprɨ va'e, Tüpä rumo ndoipotai ete.”

Romanos 3:20

esepia ndipoi chietera ñepëi seko avɨye va'e Tüpä rovake ko porokwaita mboavɨye pɨpe, a'e mborokwaita rumo oikwa uka yande angaipa viyar yande reko.

Romanos 4:5

Oime rumo, Tüpä vɨroya va'e, a'e akoi angaipa rerekosar rekokwer moigätusar sekoi, Tüpä evokoiyase iporeroyasa pɨpe oseko mbokatuprɨra, yepe ndoyapoi chira mba'e avɨye va'e chupe viña.

Romanos 5:1

Sese Tüpä yande reko mo'ɨ̇vi tuprɨ yande rereko avɨye yande yeroyasa pɨpe, ichui yaiko mba'e tuprɨ pɨpe Tüpä rese yande Yar Jesucristo rembiapo sui.

Romanos 8:33

¿Uma pi'ä oikatura mba'e tëi pɨpe mondo agwä Tüpä rembiporavo? Esepia Tüpä oseko mo'ɨ̇vi opakatu vɨroyasar.

Gálatas 2:16

Kurïtëi rumo yaikwa, ndipoi ete ava seko katuprɨ va'e Moisés porokwaita mboavɨyesa pɨpe Jesucristo rese yeroyasa pɨpe ñoite rumo yande reko katuprɨ. Sese yande avei yayeroya Jesucristo rese, a'ese Tüpä oikwara yande yeroyasa, avɨye yande yeroyasa upe nda'ei porokwaita reroyasa pɨpe. Esepia ndipoi chietera ñepëi ava seko katuprɨ va'e porokwaita mboavɨyesa pɨpe tëi.

Santiago 4:10

Peñemominira yande Yar rovai imboyeroyasa pɨpe, a'e evokoiyase pe reko mboɨvatera.

Santiago 4:6

Tüpä rumo yande pɨtɨ̇vɨï katu oporoaɨsusa pɨpe, esepia Ikwachiaprɨ araka'endar pɨpe aipo e'i: “Tüpä oyamotare'ɨ̇ ava oyeekomboɨvateai va'e, oipɨtɨ̇vɨï rumo seko mbegwe va'e saɨsusave.”