San Lucas 18:12 - Tüpä Ñe'ëngagwer

¹² Che ayekwaku ñuvɨrïo yupagwer ñepëi semana pɨpe amondo ndeu che poravɨkɨ rumbɨrer opakatu che poravɨkɨ sui.’

Tũpa Ñehengagüer

¹² Iyavei ñuvɨrío yupagüer ñepei semana pɨpe ayecuacu ité nde recocuer rese, iyavei ñepei-pei cien guarepochi che poravɨquɨ reprɨ aipɨsɨ vahe sui amboyaho diez che porerecosa ndeu’ ehi.

San Lucas 18:12 Iomraidhean Croise

San Mateo 5:20

“Amombe'ura aipo peü, akoi ndapereko ɨvɨ̇i tuprɨise ko Moisés porokwaita rese oporombo'e va'e iyavei fariseo ndapeyapoise mba'e avɨye va'e Tüpä rovai, a'ese ndapeikei chietera Tüpä mborerekwasave.”

San Mateo 6:1

“Peyapoi rene mba'e avɨye va'e ava rovake tache repia anga'u yuvɨreko ndapeyei chira. Peyapose evokoi nungar, pe Ru ɨvave sekoi va'e nomboui chietera porerekosa peü.”

San Mateo 6:16

“Akoi peyekwakuse, ndapemboyekwai chira perepiaka vɨ'are'ɨ̇sa, inungar ava oñe'ë ñotëi va'e tekokwer rese yuvɨreko yepi, omboyekwa vɨ'are'ɨ̇sa tacherepia ava yuvɨreko e'i anga'u yekwakusa pɨpe. Supiete aipo a'e vɨreko itera porerekosa oyeupe narä.

San Mateo 6:5

“Akoi peyerurese, ndapeikoi chira inungar ava oñe'ë ñotëi va'e tekokwer rese yuvɨreko yepi, a'e akoi oyerure potarai va'e oɨ judío ñemonu'äsave iyavei okarusu popɨve tacherepia ava yuvɨreko oyapave. Supiete aipo a'e evokoi rese vɨrekora porerekosa oyeupe narä.

San Mateo 9:14

Juan Oporoapirämo va'e rupindar oyemboya Jesús rese ipare oporandu yuvɨreko chupe: –Ore oroiko va'e iyavei fariseo eta oroyekwaku yepi, ¿ma'erä ru evokoiyase nde remimbo'e eta ndoyekwakui yuvɨreko?

San Lucas 11:42

“¡Peparaɨsu pe, fariseo!, esepia yepe pe remitɨ̇ sui pemondo peyakatu ñepëi-pëi imboopayandepo yovaivesa sui Tüpä upe viña, pe rumo ndaperoyai teko ɨ̇vɨisa iyavei peseyaño tëi Tüpä poroaɨsusa ko rumo peyapora peiko, pe poie'ɨ̇sa pɨpe ambuae mba'e apo agwä.”

San Lucas 17:10

Egwë peye aveira pe no, akoi pe mboavɨye tuprɨse ite opakatu Tüpä porokwaita ombou va'e rese peü, a'ese aipo peye ñoitera: ‘Yande mbigwai yaiko naporäi va'e, esepia ni'ä yande mborokwaita mboavɨyesarño tëi yaiko.’ ”

Romanos 3:27

¿Kevo evokoiyase, opɨta ava yemboɨvateaisa Tüpä rovai? ¡A'e imokañɨprɨ tëi sekoira! ¿Mba'e sui pi'ä? Nda'ei porokwaita reroya e'ɨ̇sa pɨpe, a'e egwë e'i oporeroyasa pɨpe ite.

1 Corintios 1:29

Ko oimese ndipoi chietera ava oyeeko mboɨvateai va'e Tüpä rovai.

Gálatas 1:14

Egwë a'e che ayemboɨvateai katu che mboetasa eta sui judío yembo'esa pɨpe, ayapo ite opakatu che rekokwer pɨpe yɨpɨndar che ramoi eta yembo'e agwer rupi ete vichiko.

Efesios 2:9

Nda'ei avei ava rembiapo sui tëi ou va'e, evokoiyase ndiyai chira yayemboɨvateai ipɨpe;

1 Timoteo 4:8

esepia yepe avɨyeño chi'ï yande retekwer yamovɨräkwä viña, yande Yar upe yande reko agwä avɨye katu opakatu yande reko upe narä. Esepia a'e yande pɨtɨ̇vɨïra yande rekove agwä kurïtëi iyavei kuri yande rekove agwä.