San Lucas 17:30 - Tüpä Ñe'ëngagwer

³⁰ Egwë e'i aveira kuri ava ɨvate katu va'e Ra'ɨrɨ oyemboyekwase.

Tũpa Ñehengagüer

³⁰ Ẽgüe ahe aveira avɨyeteramo tẽi che, Ava Rɨquehɨr, ayemboyecuara curi.

San Lucas 17:30 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 24:3

Ipare yuvɨraso ka'a Olivos ve. A'eve Jesús ogwapɨ öi, ichui semimbo'e eta oyemboya oporandu agwä mba'e rese kokotɨ yuvɨreko chupe: –Oroipota eremombe'u oreu mba'ese vo oimerä aipo nungar. ¿Mba'e poromondɨisa rese rane vo ikwasara nde yu agwä iyavei arɨ kañɨ agwä kuri?

San Mateo 24:37

Inungar Noé rekose yuvɨrekoi araka'e, egwë e'i tuprɨ aveira che, ava ɨvate katu va'e Ra'ɨrɨ yevɨ agwä renonde.

San Mateo 24:39

Nomo'äi ete rumo ko nungar yuvɨreko viña, avɨyeteramo tëi oyepota ou amarusu opakatu vɨraso imokañɨpa. Egwë e'i aveira che ayevɨse ava ɨvate katu va'e Ra'ɨrɨ.

San Mateo 26:64

Jesús aipo e'i imboyevɨ chupe: –Nde ni'ä aipo ere cheu. Ko katu amombe'ura peü, che repiara ni'ä peye che, ava ɨvate katu va'e Ra'ɨrɨ, agwapɨse Tüpä mba'e mboavaisare'ɨ̇ akato kotɨ, ayevɨse avei ɨva kɨ'a rese kuri.

San Marcos 13:26

A'ese che ayura ava ɨvate katu va'e Ra'ɨrɨ ɨva kɨ'a rese ayekwa itera che pirätäsa pɨpe che rendɨgwer porañetesa pɨpe avei.

San Lucas 17:24

Esepia inungar overa-vera va'e osesapese, ɨva opakatu rupi, egwë e'i etera yande Yar Ra'ɨrɨ oyevɨse ou agwä kuri.

San Lucas 17:29

osëse rumo Lot tekwa Sodoma sui, avɨyeteramo tëi ovɨapi tata amar nungar ɨva sui a'ese opakatu tuprɨ omano yuvɨreko.

San Lucas 21:22

Esepia a'e arɨ pɨpe oimerä ñemoɨrösa, a'e yavɨye rane itera opakatu Ikwachiaprɨ araka'endar pɨpe imombe'uprɨ.

San Lucas 21:27

A'ese che ava ɨvate katu va'e Ra'ɨrɨ ayekwara ayuse ɨva kɨ'a rese pirätäsa rendɨgwer porañetesa pɨpe.

1 Corintios 1:7

Ko pɨpe sui ni'ä nipanei ete Tüpä porovasasa pesärö va'e peiko yande Yar Jesucristo yevɨ agwä kuri.

1 Corintios 1:8

Tüpä pe movɨräkwä ñoitera pe rereko oyepotase arɨ kañɨ kuri, a'ese ndipoi chietera ava oikatu va'e pemondo agwä mba'e-mba'e tëi pɨpe yande Yar Jesucristo yevɨse kuri.

Colosenses 3:4

Cristo ni'ä sekoi perekovesa. Sese a'e oyevɨ irise kuri, egwë peye aveira perekora ipɨri seko orɨ porañetesa.

2 Tesalonicenses 1:7

pe rumo imombaraɨsuprɨ peiko va'e, Tüpä omondora pe pɨtu'u agwä, inungar oreu ombou va'e. Ko egwë e'ira yande Yar Jesús oyevɨse tata rendɨgwer pa'üve ɨva sui opakatu gwembigwai seko pirätä katu va'e reseve kuri.

1 San Pedro 1:13

Sese pe pɨ'añemoñeta tuprɨsa pɨpe pema'emo'ä peyese Tüpä porovasasa peü ombou va'erä rese pe yeroya katu agwä akoi Jesucristo oyevɨse kuri.

1 San Pedro 1:7

Esepia poreroyasa pereko va'e Tüpä rese inungar tuprɨ oro: a'ese sä'asara tata pɨpe. Egwë e'i aveira pe rekokwer sa'ämbrɨ tata nungar yavai va'e pɨpe, a'ese ikwasara perekokwer avɨyese. Yañemosase evokoi mba'e yavai va'e upe, a'ese yande yeroyasa avɨye katura oro okañɨ tëi va'erä sui, a'ese yarekora teko porañetesa iyavei imboeteiprɨ yaikora akoi Jesucristo oyevɨse kuri.

1 San Pedro 4:13

Peyembovɨ'areteñora Cristo paraɨsu agwer rerekosa pɨpe, esepia yande rereko yande Yar yemombaraɨsu agwer nungar pɨpe yuvɨreko, evokoiyase yayembovɨ'arete itera akoi yande Yar oyevɨse gweko pirätäsa pɨpe.

1 San Juan 2:28

Iyavei che ra'ɨreta peikoño ite Cristo rese, yareko va'erä yande yeroyasa sese, akoi ogweyɨse ɨva sui kuri, a'ese nañachi chietera sovai ichui.

1 San Juan 3:2

Che rɨvrɨ eta kurïtëi yaiko ite Tüpä ra'ɨrɨ. Yande rumo ndayaikwa tuprɨ vɨtei yande reko agwä, yaikwa rumo akoi oyemboyekwase Jesucristo, a'ese yaikora inungar, a'ese avei yasepiara opakatu seko reseve.

Apocalipsis 1:7

¡Esepia Cristo ɨva kɨ'a rese oura kuri! A'ese opakatu ava osepiara yuvɨreko, yamotare'ɨ̇sarer, oikutu va'ekwer avei; iyavei opakatu tekwa ɨvɨ pɨpendar a'ese oyase'o tëira sepiase yuvɨreko. Egwë e'i etera kuri, amén.