San Lucas 17:24 - Tüpä Ñe'ëngagwer

²⁴ Esepia inungar overa-vera va'e osesapese, ɨva opakatu rupi, egwë e'i etera yande Yar Ra'ɨrɨ oyevɨse ou agwä kuri.

Tũpa Ñehengagüer

²⁴ Esepia, inungar acoi overa vahe osesape guasu ɨva rese ocua yepi, ẽgüe ahera che, Ava Rɨquehɨr, vitu arɨ osupitɨse che yevɨ ãgua curi.

San Lucas 17:24 Iomraidhean Croise

San Mateo 24:27

Evokoiyase inungar overa-vera va'e sendɨ añi'ïvëi sui ka'aru kotɨ okwa ɨva rese, egwë a'era che, ava ɨvate katu va'e Ra'ɨrɨ opakatu ava rembiepiave ayevɨ irise vitu kuri.

San Mateo 24:30

A'ese oyekwara ɨva rese poromondɨisa che ava ɨvate katu va'e Ra'ɨrɨ yu agwä, iyavei opakatu ava-ava tëi ko ɨvɨ pɨpendar oyase'o tëira osɨkɨyepave yuvɨreko, ipare pesepiara che ava ɨvate katu va'e Ra'ɨrɨ agweyɨse ɨva kɨ'a rese che pirätäsa rendɨgwer porañetesa pɨpe.

San Mateo 25:31

“Che, ava ɨvate katu va'e Ra'ɨrɨ, ayevɨse opakatu che Ru rembigwai ɨva pendar reseve che reko ɨvategwer pɨpe, a'ese agwapɨra che renda porañete va'esave ava rekokwer rese porandu agwä.

San Mateo 26:64

Jesús aipo e'i imboyevɨ chupe: –Nde ni'ä aipo ere cheu. Ko katu amombe'ura peü, che repiara ni'ä peye che, ava ɨvate katu va'e Ra'ɨrɨ, agwapɨse Tüpä mba'e mboavaisare'ɨ̇ akato kotɨ, ayevɨse avei ɨva kɨ'a rese kuri.

San Mateo 5:15

Iyavei ndayamoendɨi chira tataendɨ mba'evrɨve yamondo va'erä; iyakatu rumo, yasupi ɨvate sendave opakatu oɨ pɨpendar resape agwä.

1 Corintios 1:8

Tüpä pe movɨräkwä ñoitera pe rereko oyepotase arɨ kañɨ kuri, a'ese ndipoi chietera ava oikatu va'e pemondo agwä mba'e-mba'e tëi pɨpe yande Yar Jesucristo yevɨse kuri.

1 Tesalonicenses 5:2

Esepia peikwa tuprɨ ko yande Yar arɨ oyepotara imo'ä e'ɨ̇sa pɨpe, inungar akoi imondarai va'e oyepota pɨ̇tü pɨpe.

2 Tesalonicenses 2:2

peikwa katu, tapepɨ'añemoñeta rerova eme iyavei peyembosɨkɨyei rene akoi ava che añe'ë Espíritu pɨpe e'i va'e sui, anise ikwachiaprɨ sui, ñe'ësa pesendu va'e sui inungar-ra ore ñe'ësa ite viña oyepota arɨ Jesús yevɨsa e'i tëi va'e yuvɨreko peü.

2 Tesalonicenses 2:8

A'ese oyemboyekwara akoi ava ndipɨ'ai va'e, yande Yar Jesús rumo oyukara oñe'ë pɨpe, omokañɨ itera gwendɨgwer pirätäsa pɨpe oyevɨse kuri.

Santiago 5:8

Pe avei peñemosaño, peyemongere'ɨ̇ katu, esepia köimi ete yande Yar yevɨ agwä.

2 San Pedro 3:10

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.