San Lucas 16:9 - Tüpä Ñe'ëngagwer

⁹ Amombe'u tuprɨ aipo peü peiporu evokoi pe gwarepochi pereko va'e ko ɨvɨ pɨpe pe mborɨpar reime agwä, ichui opase pe gwarepochi, a'ese Tüpä pe pɨsɨra teko apɨre'ɨ̇save kuri.

Tũpa Ñehengagüer

⁹ “Sese che aipo ahe pẽu: peiporu pe guarepochi pereco vahe co ɨvɨ pɨpe pe mborɨpar reime ãgua. Ichui opa tẽise pe guarepochi, oimera pe pɨsɨ vaherã teco apɨrẽhɨsave.

San Lucas 16:9 Iomraidhean Croise

San Mateo 19:21

Jesús omboyevɨ chupe: –Ereipotase mba'e tuprɨ pɨpe nde reko agwä, eso emondopa tuprɨ rane mba'e erereko va'e iyavei emondopa rane ava iparaɨsu va'e upe. Ichui ramo ite ererekora mba'e avɨye va'e ɨvave. Ipare eregwatara che rupi.

San Mateo 6:19

“Ndapemonu'ä atɨi chietera mba'e pe rembiereko ko ɨvɨ pɨpe, esepia mba'e pe rembiereko mba'e rasoi omboaso atɨ-atɨ imokañɨpa, a'eve imondarai va'e yuvɨroike omonda.

San Mateo 6:24

“Ndipoi chietera ava ñuvɨrïo gwerekwar omboyeroya va'e, esepia ñepëi oyamotare'ɨ̇ra, ambuae evokoiyase osaɨsu katura, osaɨsu katura ñepëi iyavei ambuae oyamotare'ɨ̇ra. Ndayaikatui ete Tüpä mboyeroya gwarepochi pota raisa pɨpe.”

San Lucas 11:41

Pemondo pe porerekosa rekate'ɨ̇ e'ɨ̇sa pɨpe. Evokoiyase ipɨpe sui opakatu imoatɨröprɨ peikora.

San Lucas 12:33

Pemondopa mba'e pereko va'e, pemondo avei ava iparaɨsu va'e upe; iyavei peikora mba'e rɨru ndopai va'e nungar, a'eve ɨvave peyapokatura ndopai va'e mba'e serekoprɨ, iyavei ava imondarai va'e ndoikatui chietera oike agwä mba'e rasoi avei ndoikatui chietera oike imomarä agwä.

San Lucas 14:14

a'ese erevɨ'aretera. Esepia a'e ndoikatui chietera imboyevɨ yuvɨreko ndeu, nde rumo ereipɨsɨra mba'e ikatuprɨ va'e Tüpä suindar.

San Lucas 16:11

Iyavei pereko va'e mba'e eta ko ɨvɨ pɨpe pe evokoiyase ndapeikoise poroaɨsusa pɨpe, ¿ava irira pi'ä oma'e pe mba'e eta rese?

San Lucas 16:13

“Ndipoi chira mbigwai omboyeroya va'e ñuvɨrïo gwerekwar; esepia ndoyambotai chira ñepëi, ambuae evokoiyase osaɨsu katura, ambuae saɨsuprɨ katura sekoi, ambuae evokoiyase ndosaɨsui chira. A'ese ndapeikatui chietera Tüpä pɨsɨ agwä pe mba'e eta rese.”

San Lucas 16:4

Aikwa mba'e ayapora, akoi ndarekoise mboravɨkɨ che pɨsɨ agwä gwëtä rupi yuvɨreko.’

Los Hechos 10:31

A'e aipo e'i cheu: ‘Cornelio, Tüpä osendu nde yeruresa oikwa avei nde ereipɨtɨ̇vɨïse ava iparaɨsu va'e eiko.

Los Hechos 10:4

Cornelio oma'egätuño ou mbigwai ɨva pendar rese, ipare osɨkɨye pɨpe tëi oporandu chupe: “¿Mba'e vo ereipota eiko, che Yar?” Mbigwai ɨva pendar aipo e'i chupe: “Tüpä oipɨsɨ nde yeruresa; osepia avei nde poroparaɨsuerekosa.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

San Judas 1:21

Peñearö tuprɨ Tüpä pe raɨsusa pɨpe pesärö vɨteño yande Yar Jesucristo, yande paraɨsuerekosa pɨpe, omboura tekovesa apɨre'ɨ̇ va'e yandeu.