San Lucas 16:31 - Tüpä Ñe'ëngagwer

³¹ Abraham rumo aipo e'i chupe: ‘Akoi ndoyapɨsaka potaise Moisés porokwaita rese iyavei ambuae Tüpä ñe'ë mombe'usar rese, ndovɨroyai chira ava omano va'ekwer okwerayevɨse yuvɨreko.’ ”

Tũpa Ñehengagüer

³¹ Abraham rumo aipo ehi chupe: ‘Acoi ndoyapɨsaca potaise Moisés porocuaita rese iyavei ambuae Tũpa ñehe mombehusar remimombehu rese no, ndovɨroyai chiaveira que ava omano vahecuer ocuerayevɨse yuvɨreco’ ehi Abraham ava mbahe yar upe” ehi.

San Lucas 16:31 Iomraidhean Croise

San Lucas 16:30

Mba'e yar omboyevɨ chupe: ‘Cheru Abraham, evokoi ndovɨroyai chietera yuvɨreko; omano va'ekwer okwerayevɨse oyemboyekwara chupe, a'ese oyevɨra Tüpä upe yuvɨreko.’

San Lucas 17:1

Jesús aipo e'i gwemimbo'e eta upe: “Ndapei katui chietera angaipa pɨpe pevɨapi e'ɨ̇ agwä; ¡iparaɨsura rumo ava moangaipa tëisar yuvɨreko!

San Juan 5:47

Ndaperoyaise a'e sembikwachia, ¿marä peyera vo evokoiyase che amombe'u va'e reroya agwä viña?”

Los Hechos 19:8

Mbosapɨ yasɨ rupi, Pablo oso oɨ judío ñemonu'äsave oiko, a'eve omombe'u ñe'ësa avɨye va'e osɨkɨye e'ɨ̇sa pɨpe, iyavei oñe'ë ava upe oikwa va'erä Tüpä mborerekwasa yuvɨreko.

Los Hechos 26:28

Agripa omboyevɨ chupe: –¿Nde pɨ'a ñemoñeta revo aiko va'erä movɨrö arɨ rupivemi tëi Jesús reroya agwä viña?

Los Hechos 28:23

Oiporavo ñepëi arɨ iñe'ë agwä yuvɨreko, a'ese seta iteanga ava yuvɨraso Pablo sekosave. Añi'ïvëi ka'arureseve, Pablo omombe'u Tüpä mborerekwasa resendar iyavei Jesús rekokwer Moisés porokwaita ikwachiaprɨ pɨpe sui iyavei Tüpä ñe'ë mombe'usar rembikwachia pɨpe avei tovɨroya yuvɨreko oyapave.

2 Corintios 4:3

Iyavei yavaise ko ñe'ësa pɨsɨrösa resendar ore remimombe'u rendukwa agwä, a'e egwë e'i ava okañɨ tëi va'erä upe a'e avɨye oyeovapɨ vɨte va'e.

2 Corintios 5:11

Ore ni'ä oroikwa yande Yar sui ore sɨkɨye agwä imboyeroyasave, sese orosa'ä ava pɨ'añemoñeta rerova Tüpä rese ipɨ'añemoñeta agwä yuvɨreko. Tüpä ni'ä ore kwa tuprɨ, pe avei tapeikwa ore rekokwer.