San Lucas 16:19 - Tüpä Ñe'ëngagwer

¹⁹ “Oime aipo ñepëi mbɨa mba'e yar, oyemonde turukwar avɨye va'e pɨpe oyemboetei eteanga, iyavei arɨ yakatu oyapo pieta opakatu mba'e rese oyemboetei aisa pɨpe.

Tũpa Ñehengagüer

¹⁹ “Iyavei oime mbɨa mbahe yar, ahe oyemonde turucuar avɨye vahe pɨpe oyemboetei eteanga, iyavei arɨ yacatu oyapo pieta opacatu mbahe rese oyemboetei aisa pɨpe.

San Lucas 16:19 Iomraidhean Croise

San Marcos 15:17

A'eve omboyemonde turukwar piräumbɨ va'e pɨpe, ipare ñepëi yu oipɨa omondo ñakä rese yuvɨreko.

San Marcos 15:20

Koiye marä-marä tëi sereko pare, ovɨrokwa iturukwar piräumbɨ va'e, ipare omonde iturukwar ite yuvɨreko sese. Ichui vɨnose okarve yatɨka agwä yuvɨreko.

San Lucas 15:13

Ipare koiye katumi, ta'ɨrɨ chi'ïvä'e katu va'e opa omondo oipɨsɨ va'ekwer oyesui, a'e gwarepochi pɨpe oso amombrɨ, ambuae tekwave, a'eve ogwarepochi oiporupa tëi omba'e pota raisa pɨpe.

San Lucas 16:1

Jesús omombe'u avei ko gwemimbo'e eta upe: “Oime ñepëi mbɨa mba'e yar vɨreko va'e ñepëi mbɨa omba'e rärösar; yuvɨraso imombe'u ko oiporu tëi nde mba'e oya yuvɨreko chupe.

San Lucas 16:18

“Akoi ñepëi kuimba'e opoise gwembireko sui omendase ambuae rese, a'e oyemboagwasa tëi va'e; omenda iri va'e omenda va'ekwer rese tëi, a'e oyemboagwasa tëi va'e avei.”

San Lucas 16:20

Oime avei aipo ñepëi mbɨa iparaɨsu va'e Lázaro serer va'e, a'e aipo ipirer tuyupa va'e ogwapɨ öi ɨvɨ arɨve mba'e yar rokendɨpɨve.

Apocalipsis 17:4

Ko kuña turukwar suendɨ va'e, pirä va'e aveino, oyemboendɨyai oro pɨpe oiko, ita iporañeteai va'e pɨpe, opo'ɨrɨ pɨpe aveino. Vɨreko opove ɨgwa rɨru oro apoprɨ, ɨpɨpe omboapɨpo mba'e yavaete va'e sereko oyemboagwasa tëisa resendar;

Apocalipsis 18:16

iyavei aipo e'i tëira yuvɨreko: “¡Ndeparaɨsu, ndeparaɨsu katu ite, eiko tekwa gwasu! Oyemonde tuprɨai va'ekwer turukwar sepɨrusuai va'e pɨpe, turukwar pirä va'e iyavei piräumbɨ va'e, oyemboetei oro pɨpe, mbo'ɨrɨ sendɨ ita iporañete va'e pɨpe avei.

Apocalipsis 18:7

pemondo setekwer mombaraɨsusa chupe, tiparaɨsu ta'oyoya iyemondo-mondo tëi agwer iyemboeteiai agwer rese aveino. Esepia ni'ä, a'e aipo e'i opɨ'a pɨpe oiko: ‘Ko'ave che agwapɨ vɨ̇te mborerekwar che reko nungar pɨpe. Nda'ei imer mano va'ekwer aiko, iyavei ndacheparaɨsui chietera.’