San Lucas 15:24 - Tüpä Ñe'ëngagwer

²⁴ Esepia ko che ra'ɨrɨ omano va'e nungar sekoi kurïtëi rumo oyevɨ iri ete ou; okañi ete oiko viña kurïtëi rumo yayosɨ iri.’ Ipare omboɨpɨ pieta apo yuvɨreko.”

Tũpa Ñehengagüer

²⁴ ‘Esepia, co che rahɨr avɨye omano vahe secoi viña, cũritei rumo oyevɨ iri cheu’ ehi. Ẽgüe ehi opacatu sorɨvete yuvɨreco pieta apo.

San Lucas 15:24 Iomraidhean Croise

San Mateo 8:22

Jesús omboyevɨ chupe: –Egwata che rupi, egwë teiño omano va'e, a'e ae toñeñetɨ yuvɨreko.

San Marcos 8:22

Oyepotase tekwa Betsaida ve yuvɨraso, a'e ramoseve voi gweru ndasesapɨsoi va'e Jesús upe, epokomi tëi sese oya yuvɨreko.

San Lucas 10:19

Che ni'ä amondo pirätäsa peü pegwata va'erä mboi arɨ rupi mba'e rumbɨkɨäpe arɨ rupi avei, opakatu pe amotare'ɨ̇sar pirätäsa reroyɨ agwä, mba'e pe momarä e'ɨ̇ agwä avei.

San Lucas 15:23

Taperu gwaka ikɨra katu va'e peyuka. ¡Yayapora pieta gwasu iyevɨsa resendar!

San Lucas 15:25

“Ta'ɨrɨ kwakwa katu va'e rumo okove vɨte sekoi. Oyevɨse ou gwëtä rerovɨkave, osendu voi ipieta gwasu va'e yuvɨreko.

San Lucas 15:32

Iyakatu ñoite yamboeteira yayapora pieta, esepia ko nde rɨvrɨ, sekoi omano va'ekwer nungar, oyevɨ iri tekovesa pɨpe; esepia okañɨ oiko kurïtëi rumo yayosɨ iri.’ ”

San Lucas 15:4

“¿Uma pi'ä pe pa'ü pendar, vɨrekose cien ovesa gweimba viña okañɨse ñepëi ipa'ü pendar ichui, evokoiyase oseya ranera noventa y nueve tuprɨ oso yuvɨ pɨpe seko agwä, ipare oso ranera ovesa okañɨ va'e reka, oyosɨ rane itera rumo?

San Lucas 19:10

Esepia ava ɨvate katu va'e Ra'ɨrɨ ou ko ɨvɨ pɨpe ava okañɨ tëi va'e pɨsɨrö agwä.

San Lucas 9:60

Jesús omboyevɨ chupe: –Toñeñetɨ̇ño a'e ae omano va'ekwer yuvɨreko; nde evokoiyase eso Tüpä mborerekwasa mombe'u agwä.

San Juan 11:25

Evokoiyase Jesús aipo e'i chupe: –Che aiko kwerayevɨsa iyavei tekovesa. Akoi che reroya va'e, yepe omano tëira viña, oikove ñoitera rumo;

San Juan 5:21

Esepia inungar che Ru ombogwerayevɨ omano va'e iyavei omondo tekovesa chupe. Egwë e'i avei Ta'ɨrɨ omondo tekovesa ava upe gwemimbotar rupi.

Romanos 11:15

Esepia judío mombosa pɨpe sui Tüpä omoime ñeröisa opakatu ava ko ɨvɨ pɨpendar upe, ¿Marä e'ira pi'ä Tüpä oipɨsɨse yuvɨreko? ¡A'ese omano va'ekwer oipɨsɨra tekovesa apɨre'ɨ̇ va'e yuvɨreko kuri!

Romanos 12:15

Peyembovɨ'a akoi ava oyembovɨ'a va'e rupive; peyase'o avei ava oyase'o va'e rupive.

Romanos 6:11

Egwë peye aveira peiko manosa pɨpe, ko pɨpe suive peikovera Tüpä upe narä yande Yar Jesucristo rese.

Romanos 6:13

Ani peyemondo angaipa upe, mba'e tëi apo agwä. Peyemondo katu Tüpä upe, esepia pe inungar ava okwerayevɨ iri va'e peiko, sese peyemondo tuprɨ ite chupe mba'e tuprɨ apo agwä.

Romanos 8:2

esepia ni'ä, Cristo Jesús rese yaikose, yande kwaisar Espíritu tekovesa mondosar yande renose angaipa povrɨ sui manosa sui avei.

1 Corintios 12:26

Evokoiyase ñepëi yande pa'ü pendar upe mba'e tasɨse, opakatu ambuae upe avei tasɨ; anise ñepëi imboyeroyaprɨ sekoise, ambuae avei opakatu oyembovɨ'a yuvɨreko sese.

Efesios 2:1

Pe rumo yɨpɨndar peiko omano va'e nungar ite mba'e-mba'e tëi aposa pɨpe peyemboangaipasa pɨpe avei.

Efesios 2:5

yepe angaipa pɨpe yaiko omano va'e nungar viña, a'e rumo ombou Gwa'ɨrɨ yande rekove agwä. A'e oporovasasa pɨpe yande pɨsɨrö.

Efesios 5:14

esepia ko tesapesa, omboyekwa tuprɨ opakatu mba'e rekokwer yandeu. Sese aipo e'i: “Peyemopoäse pe oke va'e nungar; peyepepɨ omano va'e pa'ü sui, esepia Cristo nde rekokwer resapera.”

Colosenses 2:13

Pe ni'ä akoi yɨpɨndar omano va'e nungar tëi peiko peye mboangaipasa pɨpe; kurïtëi rumo Tüpä pe rekokwer mbogwerayevɨ Cristo reseve, iyavei iñeröi opakatu yande angaipa rese yandeu.

1 Timoteo 5:6

Kuña imer mano va'ekwer oyemondose mba'e gwemimbotarai pɨpe yuvɨreko, a'ese omano va'e tëi sekokwer yuvɨrekoi.

San Judas 1:12

Pe poromochi gwasu pieta avɨye va'e save peyapo mba'e pemboetei va'esave, a'eve okaru oɨ'u ovɨ'asave ndoyuvɨnochi ete yuvɨreko. Evokoi ovesa rärösar oyese tëi i'añeko va'e yuvɨreko. Inungar ɨva kɨ'a ndovɨrekoi va'e ɨ, ɨvɨtu remimombo tëi. Inungar ɨvɨra ndi'ai va'e o'asa rupi, ñuvɨrïo rupi ipiru va'e evokoiyase a'e sapo'oprɨ.

Apocalipsis 3:1

“Eikwachia avei mbigwai ɨva pendar che reroyasar rärösar Sardes pendar upe: ‘Akoi ava vɨreko va'e ñuvɨrïo ova tuprɨ Tüpä espíritu iyavei akoi ñuvɨrïo ova tuprɨ yasɨtata no aipo e'i imombe'u: Che aikwa mba'e opakatu pe rembiapo, aikwa avei manosa pɨpe tëi peikose yepe oikove va'e nungar peiko viña.