San Lucas 15:10 - Tüpä Ñe'ëngagwer

¹⁰ Amombe'u aipo supiete iyavei oime avei torɨvetesa Tüpä rembigwai ɨva pendar re'ɨi upe ñepëi ava yangaipa gwasu va'e osekuñaröse gwekokwerai.”

Tũpa Ñehengagüer

¹⁰ Supi eté ẽgüe ehi aveira oime torɨvetesa Tũpa rembiguai ɨva pendar rehɨi upe que ñepei ava yangaipa guasu vahe oñecuñarose güecocuerai sui” ehi.

San Lucas 15:10 Iomraidhean Croise

San Mateo 10:32

“Akoi ava chekwa uka va'e opakatu ava rovake, che avei evokoiyase ko ava che rupindar sekoi a'era che Ru ɨva pendar upe;

San Mateo 18:10

“Peroɨröi rene katu ñepëi chi'ïvä'emi. Supiete aipo a'e ɨvave mbigwai ɨva pendar osepiaño ite che Ru pirätäsa yuvɨreko yepi.

San Mateo 18:14

Egwë e'i aveira, pe Ru ɨvave sekoi va'e ndoipotai ete pe kañɨ tëi agwä inungar ko chi'ïvä'emi.”

San Lucas 12:8

“Amombe'ura aipo oimese ava che reroyasar opakatu ava rovake, iyavei ni'ä yande Yar Ra'ɨrɨ oyemombe'ura saɨsusa pɨpe opakatu mbigwai ɨva pendar Tüpä suindar rovai;

San Lucas 12:9

akoi ndaroyai e'i va'e rumo cheu opakatu ava rovake, a'e evokoiyase ndaikwa ukai chietera mbigwai ɨva pendar Tüpä suindar upe.”

San Lucas 13:5

Ani egwë nde'i ete; pe ni'ä ndapeyevɨise Tüpä upe, pemano aveira.”

San Lucas 15:11

Jesús omombe'u ko yembo'esa: “Ñepëi mbɨa vɨreko va'e ñuvɨrïo gwa'ɨrɨ,

San Lucas 15:7

Supiete egwë e'ira iyavei oimerä torɨvetesa gwasu katu ɨvave akoi ñepëi ava yangaipa gwasu va'e osekuñaröse gwekokwerai noventa y nueve yuvɨrekoi tuprɨ va'e sui.”

San Lucas 15:9

Evokoiyase oyosɨse, omonu'ära omborɨpareta okotɨndareta avei, chupe aipo e'ira: ‘Yayembovɨ'ara che pɨri. Esepia ni'ä ayosɨ gwarepochi che sui okañɨ va'ekwer.’

San Lucas 7:47

Sese aipo a'e ndeu ko angaipa gwasu vɨreko va'e kuña oipɨsɨ ite ñeröisa, esepia vɨreko ite poroaɨsusa tuvicha va'e che rese; akoi ava upe nañeröisa tuprɨi va'e, a'e ndoporoaɨsu tuprɨi avei.

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 5:19

Ipare ñepëi mbigwai Yar suindar pɨ̇tü pɨpe omboipa poroekendasa rokenda opa vɨnose ichui, aipo e'i chupe:

2 Corintios 7:10

esepia ko nungar vɨ'are'ɨ̇sa Tüpä oipota va'e yande angaipa mboasɨ uka chupe yande yevɨ agwä, ipɨpe sui ni'ä yañepɨsɨrö yande pɨ'añemoñeta rerova e'ɨ̇sa pɨpe. Ko ɨvɨ pɨpendar vɨ'are'ɨ̇sa rumo manosa tëi vɨreko yandeu.

Filemón 1:15

Avɨyeteramo Onésimo oyepepɨ raimi tëi ndesui kurïtëi rumo ererekora arɨ rupi nde yese,

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.