San Lucas 14:3 - Tüpä Ñe'ëngagwer

³ Evokoiyase Jesús oporandu Moisés porokwaita rese oporombo'e va'e upe fariseo eta upe avei: –¿Ipotasa vo mbɨtu'usa arɨ pɨpe imba'easɨ va'e mbogwera agwä, ani tie?

Tũpa Ñehengagüer

³ Evocoiyase Jesús oporandu Moisés porocuaita rese oporombohe vahe upe iyavei fariseo eta upe avei aipo ehi: —¿Ipotasa vo mbɨtuhusa arɨ pɨpe imbaheasɨ vahe mbogüera ãgua; aní tie? —ehi.

San Lucas 14:3 Iomraidhean Croise

San Mateo 12:10

A'eve oime mbɨa ñepëi ipo ko kotɨgwer novɨi va'e; esepia ni'ä oseka tëi Jesús mbo'a uka agwä mba'e naporäi va'e pɨpe yuvɨreko, aipo e'i oporandu chupe: –¿Iya pi'ä mbɨtu'usa arɨ pɨpe imba'easɨ va'e imbogwerasa yepi?

San Mateo 12:2

Fariseo eta osepiase, aipo e'i Jesús upe yuvɨreko: –Esepia nde remimbo'e eta, oyapoño ite mba'e mbɨtu'usa arɨ pɨpe yuvɨreko.

San Mateo 22:35

ñepëi ipa'ü pendar Moisés porokwaita rese oporombo'e va'e, oyemboya oso sese toyavɨ anga'u oñe'ë oyapave, aipo e'i oporandu chupe:

San Marcos 3:4

Ipare oporandu ambuae eta upe: –¿Mba'e vo yaposara mbɨtu'usa arɨ pɨpe yepi: mba'e avɨye va'e pi'ä, mba'e naporäi va'e tie? ¿Yaipɨsɨröra pi'ä ava rekokwer, anise yamokañɨ uka tëira tie? A'e rumo opaño ikiriri tuprɨ yuvɨreko.

San Lucas 14:2

A'eve avei ñepëi mbɨa imba'easɨ va'e i'äi ruru rerekosar.

San Lucas 14:4

A'e rumo noñe'ëiño yuvɨreko chupe. Evokoiyase a'e opoko imba'easɨ va'e rese, ombogwera ipare eso tuprɨño e'i chupe.

San Lucas 6:9

ipare Jesús aipo e'i ambuae eta upe: –Aporandura mba'e rese peü: ¿Mba'e vo yaposara mbɨtu'usa arɨ pɨpe yepi: mba'e tuprɨ anise tie mba'e naporäi va'e? ¿Yaipɨsɨröra pi'ä ava rekokwer anise yamokañɨ ukara tie?

San Juan 7:23

Supiete kurïtëi, Moisés porokwaita mboavɨye agwä pemocircuncida chi'ïvä'e mbɨtu'usa arɨ pɨpe yepi, ¿ma'erä vo evokoiyase peñemoɨrö cheu ambogwerase ñepëi mbɨa mbɨtu'usa arɨ pɨpe?