San Lucas 14:21 - Tüpä Ñe'ëngagwer

²¹ Oyevɨse mbigwai, opa tuprɨ omombe'u mba'e gwerekwar upe. Evokoiyase serekwar oñemoɨrö, aipo e'i gwembigwai upe; ‘Eso voi evokoiyase opakatu okar rupi. Eru ko'ave ava iparaɨsu va'e, ava ndogwatai va'e, anise ndasesapɨsoi va'e, iparï-parï va'e aveino.’

Tũpa Ñehengagüer

²¹ Oyevɨse mbiguai, opa tuprɨ omombehu mbahe güerecuar upe. Ahese serecuar aipo ehi oñemoɨrosa pɨpe güembiguai upe: ‘Eso voi evocoiyase opacatu ocar rupi. Supi sui eru ava iparaɨsumi vahe, que ava ipo chutu vahe, anise ipɨ chutu vahe, que ndasesapɨsoi vahe, anise que ava ipãri-pãri vahe avei no’ ehi.

San Lucas 14:21 Iomraidhean Croise

San Mateo 11:28

Peyu cheu opakatu ikwerai va'e oporavɨkɨsa rese, iyavei che amondora pɨtu'usa peü.

San Mateo 11:5

Pemombe'u chupe ndasesapɨsoi va'e osareko tuprɨ yuvɨreko, ipäri-päri va'e ogwata tuprɨ, iyavei mba'erasɨ vai rerekosar okwerapa tuprɨ, ndayapɨsai va'e avei yapɨsapa, omano va'e opa okwerayevɨ yuvɨreko iyavei ava iparaɨsu va'e upe imombe'usa pɨsɨrösa resendar ñe'ësa peyera chupe.

San Mateo 15:12

Evokoiyase semimbo'e eta oyemboya Jesús rese, aipo e'i oporandu yuvɨreko chupe: –¿Ereikwa vo akoi fariseo eta oñemoɨrö nde ñe'ë renduse yuvɨreko?

San Mateo 18:31

Ko tasɨ iteanga ambuae ipɨtɨ̇vɨïsar pɨ'a pɨpe, a'ese yuvɨraso imombe'u mborerekwar ɨvate katu va'e upe opakatu mba'e sembiapokwer yuvɨreko.

San Mateo 20:7

A'e omboyevɨ yuvɨreko chupe: ‘Esepia ndipoi ete tapeporavɨkɨ e'i va'e oreu.’ Evokoiyase aipo e'i chupe: ‘Peso, pe avei tapeporavɨkɨ che uvatɨve.’ ”

San Lucas 14:13

Ko nungar ereyapose rumo pieta, ereicho'o ukara ava iparaɨsu va'e, ava ndogwatai va'e, anise iparï-parï va'e, ndasesapɨsoi va'e avei,

San Lucas 14:20

Ambuae aipo e'i no: ‘Che amenda ramomi vichiko. Sese tëi ndasoi chira.’

San Lucas 14:22

Koiye rumo, aipo e'i mbigwai: ‘Che rerekwar, amboavɨye ite nde porokwaita, oime vɨte ambuae reike agwa.’

San Lucas 14:24

Esepia ni'ä ndipoi chietera ava yipɨndar icho'oprɨ okaru va'erä che pɨri.’

San Lucas 24:47

iyavei serer pɨpe opakatu ɨvɨ yakatu rupi imombe'usara ava yevɨ agwä Tüpä upe, iñeröi agwä avei peangaipagwer rese peü. Omboɨpɨra rumo Jerusalén sui tuprɨ,

San Lucas 9:10

Oyevɨpase iñe'ë mombe'usar yugweru, opa tuprɨ omombe'u Jesús upe mba'e gwembiapokwer yuvɨreko. A'e evokoiyase, vɨroyepepɨ kokotɨ seraso tekwa Betsaida serer va'esave.

San Juan 9:39

Ipare Jesús aipo e'i chupe: –Che ayu ko ɨvɨ pɨpe mba'e supi tuprɨ va'e apo agwä, ava ndasesapɨsoi va'e oma'e tuprɨra iyavei sesapɨso va'e oyevɨra tesapɨso e'ɨ̇sa pɨpe yuvɨreko.

Hebreos 13:17

Pemboyeroya pe kwaisar peyapo semimbotar, esepia a'e ndopɨtu'ui ete pe rekokwer rärö yuvɨreko, esepia Tüpä oikwara mba'e sembiapo rese chupe kuri. Sese pemboyeroya katu tayavai eme iporavɨkɨsa chupe, esepia ndapenosei chietera mba'e avɨye va'e egwë e'ise ichui.

Hebreos 2:3

¿Marä ya'era pi'ä evokoiyase yande yañemi Tüpä ñemoɨrösa sui viña akoi ndayandema'emo'ä tuprɨise ko yande pɨsɨrösa avɨye va'e rese? Esepia yande Yar a'e rane ite omombe'u yɨpɨndar ko ñe'ësa ñepɨsɨrösa resendar, ipare ramo oikwa yande pa'ü pendar sendusar yuvɨreko.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

Apocalipsis 19:15

Iyuru pɨpe sui osë kɨse puku saimbe va'e opakatu ambuae-ae tekwa rupindar momarä agwä. A'e oyokwaira oamotare'ɨ̇sar gwarepochi apoprɨ opo pendar pɨpe. Iyavei osekoa'ära inungar uva opɨve otɨavɨi va'e yuvɨreko iyavei omboɨ'ura evokoi uva rɨkwer paraɨsu katusa resendar pɨpe. A'ese Tüpä mba'emboavaisare'ɨ̇ oñemoɨrö itera chupe.

Apocalipsis 22:17

Espíritu Maräne'ɨ̇ iyavei Ovesami a'e Cristo sekoi va'e rembireko aipo e'i: “¡Perio!” Iyavei akoi osendu va'e ko ñe'ësa, aipo e'ira: “¡Perio!” Iyavei akoi ava i'usei va'e, toyugweruño; akoi ava oipota va'e toipɨsɨ ɨ tekovesa resendar ndasepɨi va'e yuvɨreko.