San Lucas 13:34 - Tüpä Ñe'ëngagwer

³⁴ “¡Jerusalén, Jerusalén, peyuka va'e Tüpä ñe'ë mombe'usar, iyavei ita pɨpe peyapi-yapi ava Tüpä remimbou yepi! ¡Seta rupi che opomonu'ä pota tëi pe rereko, inungar takura omonu'ä va'e omembrɨ opepovrɨve, egwë a'e pota tëi pe rereko viña, pe rumo ndapeipotai ete!

Tũpa Ñehengagüer

³⁴ “¡Too rutei pe Jerusalén pendar, peyuca vahe Tũpa ñehe mombehusar, iyavei ita pɨpe peyapi-yapi ava Tũpa remimbou yepi! ¡Setá rupi che opomonuha pota tẽi pe rereco, inungar tacura omonuha vahe omembrɨ opepovrɨve, ẽgüe ahe pota tẽi pe rereco viña, pe rumo ndapeipotai eté!

San Lucas 13:34 Iomraidhean Croise

San Mateo 22:3

Oyokwai gwembigwai eta oñe'ë va'erä ava icho'oprɨ upe, icho'oprɨ rumo nikere'ɨ̇i yugweru pietasave.

San Mateo 22:6

iyavei ambuae oipɨsɨ mborerekwar ɨvate katu va'e rembigwai marä-marä tëi sereko agwä ipɨpe sui oyukaño yuvɨreko.

San Lucas 15:28

Evokoiyase oñemoɨrö tëi tɨke'ɨrɨ kwakwa katu va'e, a'e rumo ndoike potai ete oɨ pɨpe, sese tu osëño ite okarve eike oyapave chupe.

San Lucas 19:44

iyavei ndemokañɨpa itera yuvɨreko. Oyukapa aveira ava nderekwa pendar, ndoseyai chietera ñepëi ita ambuae arɨve ndeu, esepia ndereikwai ete Tüpä ouse nde pɨri nde pɨsɨrö agwä.”

San Lucas 23:28

A'ese Jesús oma'e sese aipo e'i chupe: –Kuña Jerusalén ɨgwar, peyase'oi rene che rese, peyese ae peyase'o pe membrɨ rese avei.

Los Hechos 7:52

¿Uma Tüpä ñe'ë mombe'usar pi'ä ndovɨrekoi marä-marä tëi peramoi yuvɨreko araka'e? A'e avei oyukapa omombe'u va'e ndaseko maräi va'e rekokwer yusa resendar yuvɨreko, iyavei kurïtëi ou ite ndaseko maräi va'e, pe avei peporokwai yuka uka agwä.

Los Hechos 7:59

Oapi-apiseve, Esteban oyerure, aipo e'i: “Che Yar Jesús, eipɨsɨ che ä.”

Los Hechos 8:1

Iyavei Saulo a'eve sekoi, osepia ite Esteban oyukase yuvɨreko. A'e arɨ pɨpeve omboɨpɨ Jesús reroyasar reka Jerusalén ve yuvɨreko. Opakatu tuprɨ, Jesús ñe'ë mombe'usar gweraño opɨta yuvɨreko, opa oyemboya'o-ya'o ɨvɨ Judea rupi Samaria rupi avei.

Apocalipsis 11:8

Se'ögwer evokoiyase yangarekwave'ɨ̇ tëi yugwerura tekwa gwasu rokar rupi, a'e tekwa pɨpe avei yande Yar oyatɨka kurusu rese yuvɨreko, a'e tekwa pendar upe amove ava, Sodoma pendar nungar yuvɨrekoi e'i yuvɨreko, Egipto pendar e'i avei yuvɨreko no.