San Lucas 13:33 - Tüpä Ñe'ëngagwer

³³ Agwata vɨteño itera rumo vichiko ko pɨpe, ayi'ive, kuri ayi'ive avei. Esepia ni'ä, ndiyai Tüpä ñe'ë mombe'usar omano kokotɨ tëi Jerusalén sui.

Tũpa Ñehengagüer

³³ Che rumo aporavɨquɨño itera co pɨpe, ayihive iyavei curi ayihive vichico. Ipare asora Jerusalén ve. Esepia niha, ndiyai Tũpa ñehe mombehusar omano co cotɨ tẽi Jerusalén sui yuvɨreco —ehi.

San Lucas 13:33 Iomraidhean Croise

San Mateo 20:18

–Peyapɨsaka tuprɨ che ñe'ë rese, yasora tekwa Jerusalén ve, a'eve che ava ɨvate katu va'e Ra'ɨrɨ imondosara pa'i eta rerekwar upe iyavei Moisés porokwaita rese oporombo'e va'e, omondora tekoasɨsave yuka uka agwä yuvɨreko

San Mateo 21:11

Ava yugweru va'e Jesús rupi omboyevɨ yuvɨreko chupe: –Tüpä ñe'ë mombe'usar Jesús, Nazaret pendar ɨvɨ Galilea rupindar.

San Lucas 9:53

Samaria ɨgwar rumo ndoipɨsɨ potai ete, esepia oikwa ite icho agwä Jerusalén ve yuvɨreko.

San Juan 11:54

Sese Jesús ndogwata iri ava judío pa'ü rupi, a'e rumo osë ɨvɨ Judea sui oso ɨvɨ iporupɨre'ɨ̇ va'e rerovɨkave, a'e ñepëi tekwa serer va'e Efraín. A'eve opɨta gwemimbo'e eta rese.

San Juan 11:9

Jesús aipo e'i gwemimbo'e eta upe: –¿Ndapeikwai vo arɨ osesape arɨ momba tuprɨ yepi? Supiete akoi ogwata va'e arɨ pɨpe, ndoyepɨapi ete, esepia ni'ä osepia tesapesa ko ɨvɨ pɨpendar;

San Juan 12:35

Jesús aipo e'i ava upe: –Sekoi vɨtera tesapesa pe pa'üve, a'e rumo sekoira movɨrö arɨ rupi tëi. Pegwata katu ko tesapesa oime vɨte seve, avɨyeteramo pe resapɨ'a tëira pɨ̇tümimbi va'e, esepia akoi ogwata va'e pɨ̇tümimbisa rupi, ndoikwai kerupi ogwata oiko.

San Juan 4:34

Evokoiyase Jesús aipo e'i: –Che movɨräkwäsa rumo che mbousar porokwaita a'e ayapora iyavei amboavɨye rane itera iporavɨkɨ.

San Juan 9:4

Oime vɨteseve arɨ, yayapora mboravɨkɨ che mbousar porokwaita rupi; esepia pɨ̇türa, a'ese ndipoi chietera oporavɨkɨ va'e.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 13:27

Jerusalén pendar rerekwar avei ndoikwai evokoi Jesús Tüpä remimbou sekoise yuvɨreko, iyavei ndosendukwai Tüpä ñe'ë mombe'usar kwachiar pɨpe oyerokɨse mbɨtu'usa arɨ yakatu yuvɨreko; ichui a'e ae oyuka yuvɨreko, egwë e'i imboavɨye Jesús rese Tüpä ñe'ë mombe'usar rembikwachiagwer pɨpe yuvɨreko.