San Lucas 12:48 - Tüpä Ñe'ëngagwer

⁴⁸ Akoi mbigwai nomboavɨyei va'e okwaita ikwa tuprɨ e'ɨ̇sa pɨpe vɨreko aveira ñemoɨrösa, nda'ei chira rumo ñemoɨrösa tutei va'e chupe. Esepia ni'ä akoi imondosa katu va'e ikwaitarä, porandusa katura chupe; akoi ava iporeroya katu va'e upe, porandusa katu aveira mba'e rese.”

Tũpa Ñehengagüer

⁴⁸ Acoi mbiguai nomboavɨyei vahe ocuaita icua tuprɨẽhɨsa pɨpe, nañemoɨrosa rutei chira chupe. Esepia niha, acoi imondosa catu vahe icuaitarã, porandusa catura chupe. Acoi oyeroya catu vahe, oporandu catu aveira sese” ehi.

San Lucas 12:48 Iomraidhean Croise

San Mateo 13:12

Esepia akoi vɨreko va'e upe, imondosa katura, iyavei vɨreko katu itera mba'e; akoi ndovɨrekoi va'e mba'e, vɨreko va'e mba'e movɨrö a'e ichui serokwasa ñoitera.

San Mateo 23:14

Pe paraɨsu katu itera pe Moisés porokwaita rese oporombo'e va'e iyavei pe fariseo peiko va'e pe seko tuprɨ anga'u tëi va'e!, esepia perokwa-rokwa tëi kuña imer mano va'ekwer rëtä ichui, ipare peyerure tuprɨ tëi anga'u ava rembiepiave. Sese peipɨsɨra Tüpä ñemoɨrösa ipirätä katu va'e kuri.”

San Lucas 12:41

Pedro oporandu chupe: –Che Yar, ¿oreuñomi pi'ä eremombe'u ko porombo'esa eremboyoya va'e ambuae mba'e rese, opakatu upe tie?

San Lucas 12:49

“Che ayu tata moendɨ agwä tëi ko ɨvɨ pɨpe; evokoiyase ¡marä e'ira pi'ä yɨpɨve gwendɨse öi viña!

San Lucas 16:2

Serekwar oñe'ë aipo e'i chupe: ‘¿Mba'e vo aipo omombe'u nderesendar yuvɨreko cheu? Emboupa opakatu kwachiar ndeporavɨkɨ resendar, esepia ni'ä ndereiko iri chira ko'ave che mba'e rese añeko agwä.’

San Juan 15:22

“Che ndayuise añe'e chupe, ndoikwai chietera angaipa yuvɨreko viña. Kurïtëi suive rumo ndovɨrekoi chietera ñeröisa oangaipa rese yuvɨreko;

Los Hechos 17:30

Pe ramoi ndoikwa tuprɨise yuvɨreko araka'e, Tüpä oñemosaño mba'e sembiapo rese chupe, kurïtëi rumo oyokwai opakatu ava ko ɨvɨ pɨpendar tomboasɨ oangaipa, toyevɨ yuvɨreko cheu oya.

1 Timoteo 1:11

Ko porombo'esa nimaräi va'e oyoya tuprɨ ñe'ësa porañete va'e poropɨsɨrösa rese. Tüpä sovasaprɨ sekoi, a'e che kwai va'e sese.

1 Timoteo 1:13

yepe che yɨpɨndar che ñe'ë-ñe'ë tëi sese; aseka-sekaño mba'e-mba'e tëi che rembiapogwä yamotare'ɨ̇mbave che yemboɨvateaisa pɨpe, Tüpä rumo che paraɨsuereko, esepia che a'ese nda'e vɨtei Cristo reroyasar aiko, iyavei ndaikwai mba'e ayapo va'e.

1 Timoteo 6:20

Timoteo, esärö tuprɨ ko porombo'esa supi tuprɨ va'e. Ereyapɨsakai rene ava tëi pɨ'a ñemoñetasa egwë e'i tëi va'e rese, porombo'esa kokotɨ tëi va'e rese avei; esepia amove ava aipo e'i ko porombo'esa rese, ko ite yande mboarakwara e'i tuprɨ tëi va'e yuvɨreko chupe.

Tito 1:3

ipare kurïtëi arɨ oyepota yandeu, iñe'ëngagwer kwa agwä sese Tüpä yande Pɨsɨrösar che kwai oñe'ëngagwer mombe'u agwä.

Santiago 3:1

Che rɨvrɨ eta, anichira pe pa'üve oime seta iteanga oporombo'e va'e yuvɨreko, esepia peikwa ni'ä yande oporombo'e va'e yaikose, Tüpä oporandu itera ambuae ava sui yande porombo'e agwer rese yandeu kuri.