San Lucas 12:37 - Tüpä Ñe'ëngagwer

³⁷ Saɨsuprɨ yuvɨrekoira mbigwai gwerekwar osärö tuprɨ va'e. Amombe'u tuprɨra aipo peü imboakwasar ae oyemboyerera imbogwapɨ karusa rendave omondo va'erä mimoi ito'u.

Tũpa Ñehengagüer

³⁷ Avɨye itera serecuar upe osepiase iyemoingatu voi; evocoiyase serecuar ae niha ihañecora sese, omboguapɨra mesave imbocaru.

San Lucas 12:37 Iomraidhean Croise

San Mateo 24:42

“Pema'emo'ä peyese yepi esepia ndapeikwai mba'e arɨ pɨpe che pe Yar ayevɨra.

San Lucas 12:43

Saɨsuprɨra akoi mbigwai gwerekwar oyevɨse omboavɨye tuprɨ va'e okwaita.

San Lucas 17:8

Ani ete, a'e rumo aipo e'iñora chupe: ‘Emoigätu voi mba'e che to'u, nde añeko tuprɨ rane che rese esepia che akaru ranera, aɨ'u rane aveira. Ipare ramo nde erekarura ereɨ'u aveira.’

San Lucas 21:36

Sese peyemoigätura, peyerurera arɨ yakatu rupi, pesë va'erä opakatu ko mba'e-mba'e tëi oime va'e sui peyemboyekwa va'erä Tüpä Ra'ɨrɨ rovai.”

San Lucas 22:27

¿Uma pi'ä ɨvate katu va'e, ogwapɨ va'e karusa rendave okaru, anise i'añeko va'e tie? ¿Nda'ei vo evokoi ogwapɨ va'e karusa rendave? Che rumo aiko pe pa'üve inungar i'añeko va'e pe rese.”

San Juan 12:26

Akoi che mboyeroya pota va'e, togwata che rupi yuvɨreko; che asosave a'eve avei yuvɨrekoira che mboyeroyasar. Akoi che mboyerosar oime va'e, che Ru avei omboeteira sereko.

1 Corintios 2:9

Inungar Ikwachiaprɨ pɨpe aipo e'i: “Tüpä omoigätu mba'e ava gwaɨsupar upe a'e rumo mba'e ndosepiai va'e ite ava yuvɨreko yepi, iyavei ndipɨ'a ñemoñetai ete sese yuvɨreko.”

Filipenses 1:21

Esepia, Cristo che rekovesa ite sekoi, amanose rumo, avɨyeño itera cheu.

Filipenses 1:23

Ndaikatui ko ñuvɨrïo che pɨ'a ñemoñetasa rereko: amove amano pota che so agwä ɨvave Cristo pɨri, a'e avɨye katura cheu viña;

2 San Pedro 1:11

Evokoi nungar pɨpe sui ɨva rokenda imboisara pereike agwä mborerekwasa ndopai va'esave, yande Yar yande Pɨsɨrösar Jesucristo mborerekwasave.

2 San Pedro 3:14

Sese che rembiaɨsu, pesärö vɨteseve ko tekokwer, egwë peyera opakatu peikatugwer rupi pe reko tuprɨ agwä pe angaipa e'ɨ̇ pɨpe, peü Tüpä peyavɨ mba'e e'i e'ɨ̇ agwä.

Apocalipsis 14:13

A'ese asendu ñepëi ñe'ësa ɨva pendar aipo e'i va'e cheu: “Eikwachia ko ñe'ësa: ‘Ko pɨpe suive sorɨvete katura akoi ava omano va'e yande Yar rese yuvɨreko.’ ” “Egwë e'i ete–e'i Espíritu imombe'u–, a'e opɨtu'ura oporavɨkɨsa sui yuvɨreko, esepia ni'ä sembiapokwer avɨye ite Tüpä pɨ'ave.”

Apocalipsis 16:15

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”

Apocalipsis 3:21

Akoi ava oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e ambogwapɨ ukara che ɨpɨve imoi che porokwaisave, inungar che mba'e tëi reko reroyɨ pare, agwapɨ che Ru ɨpɨve vïte.

Apocalipsis 7:17

esepia Ovesami a'e Cristo sekoi va'e Tüpä renda porañete va'e rovai, a'e osäröra ava re'ɨi sereko inungar ovesa rärösar ipare vɨrasora tekovesa resendar ɨ ndopai va'esave imboɨ'u agwä, Tüpä evokoiyase omombɨtu'upara iyase'osa sui.”