San Lucas 12:32 - Tüpä Ñe'ëngagwer

³² “Ani pesɨkɨye, ovesa che rembiaɨsu; yepe pe movɨrömi tëi peiko viña, pe Ru Tüpä rumo, omondo pota peü mba'e oporoaɨsusa pɨpe.

Tũpa Ñehengagüer

³² “Aní pesɨquɨye, che ovesa nungar, yepe pe movɨromi tẽi peico viña, pe Ru rumo oporoaɨsusa pɨpe oipota opovrɨve pe rereco ãgua.

San Lucas 12:32 Iomraidhean Croise

San Mateo 14:27

Jesús rumo oñe'ë, aipo e'i chupe: –¡Peyemovɨräkwäño! ¡Che tëi: pesɨkɨyei rene!

San Mateo 20:16

“Egwë e'i aveira ava yuvɨrekoi va'e kurïtëi ipa tëi, a'e yuvɨrekoira tenonde; iyavei yuvɨrekoi va'e kurïtëi tenonde, a'e yuvɨrekoira ipa tëi.”

San Mateo 25:34

A'ese che Mborerekwar ɨvate katu va'e aipo a'era che akato kotɨndar upe: ‘Perio opakatu, che Ru sui sovasaprɨ peiko va'e, peike che Ru Tüpä mborerekwasa pɨpe; a'e akoi yɨpɨve ɨvɨ apo ramo suive imoigätuprɨ peü narä.

San Mateo 7:15

“Peñearö ava semirañeteai va'e sui oñe'ë tuprɨ tëi va'e Tüpä rese. A'e yugwerura peü ndoyavɨi chira ovesa ndaseko maräi va'e yuvɨreko, ipɨ'a pɨpe rumo sekokwer avɨye ma'embiar oñaröai va'e.

San Lucas 10:21

A'e pɨpeve voi, Jesús ovɨ'aretesa pɨpe Espíritu Maräne'ɨ̇ rese aipo e'i: “Oromboetei, nde rereko che Ru, Yar ɨva pendar ɨvɨ pendar aveino, esepia eremboyekwa ite ñe'ësa ava seko mbegwemi va'e upe a'e akoi ereñomi va'e ava opakatu oikwa va'e sui ava mba'e osendukwa tuprɨ va'e sui avei. Supiete che Ru, esepia evokoi nungar ite ereipota eiko yepi.”

San Juan 18:36

Jesús omboyevɨ chupe: –Che mborerekwasa nda'ei ko ɨvɨ pɨpendar. Egwë e'ise viña, arekora ava ovava va'erä judío upe che repɨsave yuvɨreko viña. Che mborerekwasa nda'ei ko'a pendar.

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

Los Hechos 20:29

Aikwa che opoeyare oyugwerura ambuae ava, ma'embiar oñaröai va'e nungar pe pa'üve opakatu Jesús reroyasar mokañɨpa pota agwä.

Romanos 6:23

Angaipa ni'ä ombou manosa tëi yandeu, Tüpä rumo porerekosa ombou tekovesa apɨre'ɨ̇ va'e yandeu yande Yar Jesucristo rese yande rekose.

1 Corintios 1:21

Supiete ko ɨvɨ pɨpendar ndoiporui ete omba'ekwasa oikwa va'erä Tüpä yuvɨreko a'e rumo omboyekwa ite omba'ekwasa, Tüpä evokoiyase oipɨsɨröra ñe'ësa avɨye va'e rupi oyese yeroyasar kuri, yepe ko ñe'ësa avɨye va'e ndoyavɨi egwë e'i tëi va'e viña.

Filipenses 2:13

esepia, Tüpä ombou pe kere'ɨ̇sa semimbotar apo agwä, gwemimbotar rupi avei ombou pirätäsa imboavɨye agwä peü.

2 Tesalonicenses 1:11

Ko rese oroyerure pe rese yepi, oroporandu yande Ru Tüpä upe tape rereko tuprɨ gwemienoi pe rekosa pɨpe, iyavei tomboavɨye gweko pirätäsa pɨpe opakatu ñepëi-pëi mba'e peyapo pota va'e, iyavei opakatu mba'e pe rembiapo avɨye va'e, sese pe yeroyasa pɨpe.

2 Tesalonicenses 1:5

Ko ni'ä omboyekwa Tüpä reko ɨ̇visa ava upe, esepia ipɨpe pe rereko omborerekwasave pe reike agwä, sese ni'ä peparaɨsu vɨte tëi peiko.

Hebreos 12:28

Tüpä mborerekwasa ombou va'e yandeu a'e novɨi chietera. Avɨye ndeu ya'era evokoiyase sese chupe, ipɨpe sui yayerure katu yande pɨ'a pɨpe imboeteisave semimbotar rupi.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

2 San Pedro 1:11

Evokoi nungar pɨpe sui ɨva rokenda imboisara pereike agwä mborerekwasa ndopai va'esave, yande Yar yande Pɨsɨrösar Jesucristo mborerekwasave.

Apocalipsis 1:6

iyavei yande rereko mborerekwarä; pa'igwä aveino Vu Tüpä upe yande poravɨkɨ agwä. ¡Egwë te'i imboeteiprɨ tasekoi opirätäsa pɨpe apɨre'ɨ̇ va'erä! Amén.

Apocalipsis 22:5

A'eve ndipoi chietera pɨ̇tü, iyavei ava a'eve yuvɨrekoi va'e ndosekai chietera tataendɨ, ndosekai chiaveira arɨ gwesape agwä yuvɨreko, esepia yande Yar Tüpä teiete osesapera, ipare a'e ava mborerekwar apɨre'ɨ̇ va'erä ite yuvɨrekoira sese.