San Lucas 11:9 - Tüpä Ñe'ëngagwer

⁹ Sese ko che aipo a'era peü: Peporanduse mba'e rese, Tüpä omboura peü; peseka tëise mba'e, iyavei peyosɨ itera; pemotäse okenda oyemboi aveira peü.

Tũpa Ñehengagüer

⁹ Sese aipo ahe pẽu: Peporandura mbahe rese Tũpa upe, ahese omboura pẽu; peseca ahe mbahe, ahese peyosura; inungar pemota oquenda, ẽgüe peyera peyeroquɨsa pɨpe Tũpa upe, ahese imboisara mbahe mbou ãgua pẽu.

San Lucas 11:9 Iomraidhean Croise

San Mateo 21:22

Akoi peyerurese mba'e pe porandusa rese Tüpä upe seroyasa pɨpe, a'ese peipɨsɨra mba'e avɨye va'e.

San Mateo 21:31

¿Uma vo ko ñuvɨrïo yuvɨrekoi va'e oyapo oyesupa remimbotar? –Yɨpɨndar va'e–e'i imboyevɨ yuvɨreko chupe. Ipare Jesús aipo e'i: –Supiete gwarepochi rerokwasar Roma upe narä, kuña oyemondo-mondo tëi va'e avei, a'e rane yuvɨroikera pe sui Tüpä mborerekwasave.

San Mateo 6:29

Ko rumo, che aipo a'e evokoi mborerekwar gwasu Salomón, vɨreko atɨ va'e mba'e porañetesa oyese, oyemonde inungar a'e yuvɨrekoi va'e.

San Marcos 11:24

Sese aipo a'e peü opakatu mba'e rese peporanduse pe yeruresa pɨpe, peyeroya itera mba'e oime va'erä rese peü, a'ese peipɨsɨ itera.

San Marcos 13:37

Che aipo a'e peü, opakatu upe avei: ¡Pema'emo'äño itera yepi!”

San Lucas 11:10

Esepia akoi oporandu va'e mba'e rese, oipɨsɨitera; iyavei akoi mba'e oseka va'e, oyosɨño itera; akoi oñe'ë va'e okendɨpɨve, chupe oyemboi aveira.

San Juan 14:13

Iyavei peporanduse opakatu mba'e rese che rer pɨpe, che amondoño itera peü, ipɨpe sui che Ta'ɨrɨ amboyekwara che Ru reko porañetesa vichiko.

San Juan 15:16

Pe ndache poravoi ete peye, che rumo opoporavo vichiko amombe'u avei peü pemombe'u va'erä ñe'ësa avɨye va'e, a'e ñe'ësa tokañɨ tëi eme katu. Egwë e'ise che Ru omondora opakatu mba'e peporanduse che rer pɨpe peü.

San Juan 15:7

Akoi supiete peikose che rese, iyavei ndaperesaraise che porombo'esa sui, peporanduse rumo mba'e pe remimbotar rese a'e imondosaño itera peü.

San Juan 4:10

Jesús omboyevɨ chupe: –Ereikwase Tüpä porerekosa ndeundar viña iyavei ereikwase a'e ava ndeu ɨ rese oporandu va'e, nde evokoiyase ereporandura sese chupe, a'e evokoiyase omondora ɨ ndopai va'e ndeu viña.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

2 Corintios 6:2

Esepia Tüpä aipo e'i Ikwachiaprɨ pɨpe: “Osupitɨse arɨ avɨye va'e a'ese che asendu nde yeruresa; iyavei a'e arɨ poropɨsɨrösa pɨpe opopɨtɨ̇vɨï.” Oyepota arɨ avɨye va'e. ¡Iyavei oime ite kurïtëi ñepɨsɨrösa!

Hebreos 11:6

Nda'ei ete rumo Tüpä pɨ'a rupi yaiko ndayayeroyaise sese, esepia yayemboya potase Tüpä rese, yayeroya rane itera sese iyavei omondora mba'e avɨye va'e vɨroyasar upe narä.

Hebreos 4:16

Sese yayemboya katura yande yeroyasa pɨpe yande Ru Tüpä mborerekwasa iporoaɨsusa rese avei, ipɨpe sui tayande paraɨsuereko gweko avɨyesa pɨpe yande pɨtɨ̇vɨï agwä mba'e tëi oimese yandeu.

Santiago 1:5

Iyavei akoi ipanese pe pa'ü pendar upe yarakwa agwä, toporandu Tüpä upe, evokoiyase a'e omboura chupe; esepia Tüpä opakatu upe mba'e ombou gwekate'ɨ̇sa pɨpe iyavei omba'e mboasɨ e'ɨ̇sa pɨpe avei.

Santiago 5:15

Akoi peyerurese peyeroyasa pɨpe, a'ese imba'easɨ va'e okwerara, yande Yar avei omopü'ara; akoi angaipa vɨrekose, oime aveira ñeröisa chupe.

1 San Juan 3:22

a'e avei ni'ä ombou opakatu mba'e yandeu yaporanduse chupe, esepia yamboyeroya iporokwaita iyavei yayapo semimbotar yaiko.

Apocalipsis 2:24

Pe rumo opakatu Tiatira pendar ndaperoyai va'e ko porombo'e raisa, iyavei ndapeyembo'ei Karugwar arakwasa rese ndikwasai va'e, sese namondo iri chira ambuae che porokwaita peü.