San Lucas 11:31 - Tüpä Ñe'ëngagwer

³¹ Akoi arɨ kañɨ pɨpe, porandusase ko ava kurïtëindar upe, a'ese kuña mborerekwar oñarapü'ara iro'ɨ kotɨ sui ou marä-marä tëi ava rereko agwä; esepia ni'ä a'e ou ɨvɨ amombrɨ katu va'e sui Salomón mba'ekwasa rendu agwä, kurïtëi rumo oime ɨvate katu va'e ko'ave Salomón sui.

Tũpa Ñehengagüer

³¹ Acoi arɨ cañɨ pɨpe cuña mborerecuar guasu irohɨ cotɨ secua vahe porandusave omombehura co ava cũriteindar cañɨpa ãgua. Esepia, ahe ou amombrɨ ɨvɨ sui Salomón mbahecuasa rendu ãgua; cũritei rumo oime ɨvate catu vahe cohave Salomón sui.

San Lucas 11:31 Iomraidhean Croise

San Mateo 12:42

Iyavei kuña mborerekwar ɨvate katu va'e Iro'ɨ kotɨ sui oñarapü'ara arɨ kañɨ pɨpe kuri, porandusase ava kurïtëindar upe, iyavei a'e omondora mba'e tëi pɨpe; esepia a'e ou amombrɨ ɨvɨ sui osendu va'erä Salomón mba'e kwasa, iyavei oime ko'ave ɨvate katu va'e Salomón sui.

San Lucas 3:22

ipare Espíritu Maräne'ɨ̇ ogweyɨ ou i'arɨve oyekwa tuprɨ inungar apɨkasu, ichui oyeendu ñe'ësa ɨva sui aipo e'i va'e: –Nde che Ra'ɨrɨ che rembiaɨsu, che rembiporavo ereiko.

San Lucas 9:35

A'ese ɨva kɨ'a sui oyeendu ñepëi ñe'ësa aipo e'i va'e: “Ko che Ra'ɨrɨ, che Rembiporavo ite: peyapɨsaka katu iñe'ë rese.”

Romanos 2:27

Akoi ndoyembocircuncidai va'e, oyapose rumo mborokwaita yuvɨreko, a'e evokoiyase omombe'ura pe kañɨ agwä yuvɨreko, esepia yepe pereko porokwaita viña, pe rumo ndapemboavɨyei ete.

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.