San Lucas 11:2 - Tüpä Ñe'ëngagwer

² Jesús aipo e'i chupe: –Peyerurese aipo peyera: ‘Ore Ru Tüpä, imboeteiprɨ nderer tasekoi. Tou nde mburuvicha etesa oreu.

Tũpa Ñehengagüer

² —Avɨye —ehi—. Peyeroquɨse, aipo peyera: ‘Ore Ru Tũpa, ɨvave ereico vahe, imboeteiprɨ nde rer tasecoi. Tou nde mborerecuasa oreu. Tayaposa nde remimbotar co ɨvɨ pɨpe, ɨva pendar nungar.

San Lucas 11:2 Iomraidhean Croise

San Mateo 10:32

“Akoi ava chekwa uka va'e opakatu ava rovake, che avei evokoiyase ko ava che rupindar sekoi a'era che Ru ɨva pendar upe;

San Mateo 3:2

Oñe'ësave aipo e'i: “¡Peyevɨ Tüpä upe, esepia ko Tüpä mborerekwasa köimi ete sekoi!”

San Mateo 5:16

Pe egwë peye aveira, pemboyekwa ava eta upe pe rekokwer avɨye va'e, ipɨpe sui osepiara mba'e peyapo ikatuprɨ va'e, opakatu tomboetei yuvɨreko yande Ru Tüpä upe ɨva pendar sekoi va'e.”

San Lucas 11:1

Ñepëi arɨ Jesús oyerure a'e ae öi; iyerure pare ñepëi semimbo'e aipo e'i chupe: –Ore Yar, ore mbo'emi tëi ore yerure agwä eve, inungar Juan ombo'e gwemimbo'e eta sereko yepi.

Romanos 8:15

Supiete pe ndapeipɨsɨi Espíritu mba'e-mba'e tëi resendar pereraso iri va'erä sɨkɨyesa pɨpe, Espíritu pemoingo Tüpä ra'ɨrɨ nungar ete. Sese Espíritu yande reraso Tüpä upe, aipo e'i: “¡Abbá! ¡Che Ru!”

1 Corintios 1:3

Yande Ru Tüpä, yande Yar Jesucristo taperovasa pe reko tuprɨ agwä.

2 Corintios 1:2

Tapeipɨsɨ katu yande Ru Tüpä yande Yar Jesucristo porovasasa avei, pe reko tuprɨ agwä.

Gálatas 1:4

Jesucristo oyemondo mano pɨpe yande angaipa repɨrä, egwë e'i kurïtëi yande renose ko ɨvɨ pɨpe mba'e-mba'e tëi sui yande Ru Tüpä remimbotar rupi.

Efesios 1:2

Yande Ru Tüpä iyavei yande Yar Jesucristo tombou oporovasasa pe reko tuprɨ agwä peü.

Filipenses 1:2

Yande Ru Tüpä, yande Yar Jesucristo taperovasa pe reko tuprɨ agwä.

Filipenses 4:20

¡Egwë tëi timboeteisa yande Ru Tüpä yepi! Amén.

Colosenses 1:2

aikwachia ko ore avɨravesa peü, peiko va'e tekwa maräne'ɨ̇sa pɨpe Colosas ve, Cristo rese peiko va'e. Yande Ru Tüpä taperovasa, tombou pe reko tuprɨ agwä peü.

1 Tesalonicenses 1:1

Che Pablo, Silvano iyavei Timoteo, aikwachia ko che ñe'ë peü, ore rɨvrɨ eta, peñemonu'ä va'e Tüpä upe tekwa Tesalónica ve, yande Ru Tüpä, yande Yar Jesucristo rese peiko va'e. Taperovasa pe reko tuprɨ agwä yande Yar Tüpä.

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

Apocalipsis 11:15

Imoñuvɨrïo ovasa mbigwai ɨva pendar omoñe'ëse gwemimbɨ, a'ese oyeendu ñe'ësa ipirätä va'e ɨva suindar aipo e'i: “Mborerekwasa ɨvɨ pendar a'e yande Yar Poropɨsɨrösar upendar ite, iyavei imborerekwasa apɨre'ɨ̇ va'erä ite sekoi.”

Apocalipsis 15:4

¿Uma pi'ä ndosɨkɨyei chira, ndesui che Yar? ¿Ava pi'ä nande mboetei chira nderereko? Nde gweraño ite ereiko seko maräne'ɨ̇ va'e; opakatu tekwa ɨvɨ rupindar yugwerura nde mboetei agwä yuvɨreko, esepia ni'ä, nde rembiapo mba'e supi tuprɨ va'e ite.”

Apocalipsis 19:6

Asendu avei ava re'ɨi ñe'ë, inungar akoi ɨtu gwasu rɨapu, ndoyavɨi avei osunu gwasu va'e. Aipo e'i: “¡Imboeteiprɨ yande Yar tasekoi! Esepia ni'ä yande Yar Tüpä omboɨpɨ oporokwai oiko gweko mba'e mboavaisare'ɨ̇sa pɨpe.

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.