Los Hechos 8:3 - Tüpä Ñe'ëngagwer

³ A'e pɨpeve avei aipo Saulo omombaraɨsu ava Jesús reroyasar yuvɨrekoi va'e seroya uka e'ɨ̇ agwä viña, yuvɨroike-ikeño tëi aipo oɨ yakatu rupi kuimba'e iyavei kuña mbotɨrɨrɨ senose sokenda agwä yuvɨreko.

Tũpa Ñehengagüer

³ Ahe pɨpeve avei aipo Saulo omombaraɨsu ava Jesús reroyasar yuvɨrecoi vahe seroya ucaẽhɨ ãgua viña. Yuvɨroique-iqueño tẽi aipo sẽta rupi cuimbahe, cuña mbotɨrɨrɨ senose soquenda ãgua yuvɨreco.

Los Hechos 8:3 Iomraidhean Croise

Los Hechos 16:19

Evokoiyase kuñatäi rerekwar oyanduse ndoipɨsɨ uka iri chira gwarepochi yandeu e'i yuvɨreko, imboasɨpave oipɨsɨ Pablo iyavei Silas mborerekwar upe, okarusuve seraso yuvɨreko.

Los Hechos 22:19

Che aipo a'e chupe: ‘Che Yar, opakatu che kwa nde reroyasar rokenda-kendase, ainupa-nupa ukase avei agwatase oɨ judío ñemonu'äsa yakatu rupi,

Los Hechos 7:58

Ipare vinose tekwa sui yapi-yapi agwä ita pɨpe yuvɨreko; a'eve yamotare'ɨ̇mbar sepiasar oseya oturukwar yuvɨreko ñepëi mbɨa chi'ïvä'e Saulo ser va'e upe osarö va'erä.

Los Hechos 8:2

Oime ava ipɨ'añemoñeta tuprɨai va'e vɨraso Esteban re'ögwer ñotɨ̇ yuvɨreko iyavei oyase'o iteanga yuvɨreko sese.

Los Hechos 9:21

Ava opakatu osendu va'e iñe'ë ndoyembovɨ'ai tëi, aipo e'i yuvɨreko: –¿Nda'ei vo akoi ko mbɨa Jerusalén ve Jesús reroyasar marä-marä tëi vɨreko va'e? ¿Nda'ei vo akoi ko avei ou ko'ave ava pɨsɨ agwä iyavei serasopa pɨrä pa'i eta rerekwar upe viña?

1 Corintios 15:9

Esepia che seko ɨvɨ kotɨ katu va'e opakatu ambuae Jesús ñe'ë mombe'usar sui aiko, iyavei ndachearöi ete Jesús ñe'ë mombe'usar che reko agwä viña, esepia che yɨpɨndar Tüpä reroyasar aseka-seka katu va'e marä-marä tëi sereko agwä.

Gálatas 1:13

Pe ni'ä pesendu yɨpɨndar che rekokwer resendar, che mu judío yembo'esa rupi agwata vɨtese vichiko, che rekoai pɨpe tëi aseka-seka katu Tüpä rembiporavo Jesús reroyasar momarä agwä.

Filipenses 3:6

ipɨpe sui tëiete aseka-seka katu ayapo va'erä mba'e opakatu ava Jesucristo reroyasar upe vichiko; ko porokwaita reroyasa rese rumo, ndipoi ete ava marä e'i va'e yuvɨreko cheu.

1 Timoteo 1:13

yepe che yɨpɨndar che ñe'ë-ñe'ë tëi sese; aseka-sekaño mba'e-mba'e tëi che rembiapogwä yamotare'ɨ̇mbave che yemboɨvateaisa pɨpe, Tüpä rumo che paraɨsuereko, esepia che a'ese nda'e vɨtei Cristo reroyasar aiko, iyavei ndaikwai mba'e ayapo va'e.

Santiago 2:6

pe rumo seroɨrösa pɨpe pemochi ava iparaɨsu va'e. ¿Nda'ei vo mba'e yar marä-marä tëi pe rereko yuvɨreko yepi, a'e avei ni'ä pe mbotɨrɨrɨ mborerekwar rovai pe reraso yuvɨreko?