Los Hechos 4:1 - Tüpä Ñe'ëngagwer

¹ Pedro iyavei Juan oñe'ë vɨteseve ava re'ɨi upe, a'ese pa'i eta tüpäro rärösar sundao rerekwar saduceo avei yugweru yuvɨreko chupe.

Tũpa Ñehengagüer

^1-2 Pedro, Juan reseve oñehe vɨteseve ava rehɨi upe, ahese oñemoɨrosa pɨpe pahi eta, tũparo rãrosar sundao rerecuar, saduceo avei oyugüeru yuvɨreco chupe. Esepia, Pedro iyavei Juan ombohe ava yuvɨreco aipo ehi: “Jesús ocuerayevɨ; sese oime cuerayevɨsa omano vahe pãhu sui” ehi.

Los Hechos 4:1 Iomraidhean Croise

San Mateo 16:12

A'ese ramo oikwa yuvɨreko, Jesús noñe'ëi mboyape mboapeposa rese, a'e rumo oñe'ë fariseo iyavei saduceo eta porombo'esa rese tëi.

San Mateo 22:16

Egwë e'i imondo opa'ü pendar, ambuae mborerekwar Herodes rupindar reseve aipo e'i va'erä yuvɨreko chupe: –Porombo'esar, ore oroikwa nde supiete mba'e eremombe'use eiko, iyavei ereporombo'e mba'e supi tuprɨ va'e Tüpä rekokwer rese, nde ni'ä ndereroyai va'e ava ñe'ësa tëi, esepia ava pɨ'añemoñeta rupi ndereikoi va'e.

San Mateo 27:20

Evokoiyase pa'i eta rerekwar iyavei judío rerekwareta rumo ava re'ɨi omongere'ɨ̇, Barrabás tosë; Jesús tomano eagwä yuvɨreko.

San Mateo 27:41

Aipo e'i tuprɨ avei iñe'ë marä-marä tëi yuvɨreko chupe pa'i eta rerekwar Moisés porokwaita rese oporombo'e va'e, judío rerekwareta avei. A'e aipo e'i yuvɨreko:

San Mateo 3:7

Juan osepiase ava fariseo eta iyavei saduceo eta, yuvɨraso oñeapirämo agwä chupe viña, a'e rumo aipo e'i: “¡Pe mboi mboetasa tëi peiko! ¿Ava vo pesëra Tüpä ñemoɨrösa ou va'erä sui e'i tuprɨ tëi peü?

San Lucas 20:1

Ñepëi arɨ, Jesús sekoise tüpäro pɨpe ombo'e ava eta omombe'u ñe'ësa pɨsɨrösa resendar oiko, a'ese oyepota pa'i eta rerekwar yuvɨreko Moisés porokwaita rese oporombo'e va'e avei, oyoya tuprɨ mborerekwar tekwa pɨpendar rese,

San Lucas 22:4

A'e oso pa'i eta rerekwar yuvɨrekoi upe tüpäro rärösar yuvɨrekoi va'e upe aveino oñe'ë sese mba'e rupi omondora Jesús.

San Juan 15:20

Peyemoma'endu'ara ko amombe'u va'ekwer rese kuri: ‘Ndipoi ete ñepëi mbigwai ɨvate katu va'e gwerekwar sui.’ Iyavei che amotare'ɨ̇mbar yuvɨrekoi va'e, pe avei pe amotare'ɨ̇ra yuvɨreko; iyavei pemboyeroyase che ñe'ë, egwë e'i tuprɨ aveira pe mboyeroya ambuae yuvɨreko.

San Juan 18:3

Egwë e'i Judas oyepota oso sundao re'ɨi reseve iyavei tüpäro rärösar pa'i eta rerekwar fariseo eta remimondo rese avei. A'e yuvɨrekoi oyeepɨsa rese, iyavei opakatu vɨraso gwataendɨ yuvɨreko.

Los Hechos 4:6

Pa'i rerekwar ɨvate katu va'e Anás, Caifás, Juan, Alejandro, iyavei opakatu omu reseve.

Los Hechos 5:17

Ichui tëi pa'i rerekwar ɨvate katu va'e, saduceo yuvɨrekoi va'e oñemoɨrö yuvɨreko Jesús ñe'ë mombe'usar upe ava rese gwekate'ɨ̇save,

Los Hechos 5:24

Osenduse, pa'i rerekwar ɨvate katu va'e tüpäro rärösar rerekwar pa'i rerekwareta avei yuvɨreko ipɨ'añemoñeta tëi kerupi vo opoira ko mba'e sui, e'i tëi yuvɨreko oyeupe.

Los Hechos 5:26

Evokoiyase Sundao rerekwar, osundao reseve yuvɨraso seru agwä mba'e tuprɨ pɨpe, esepia osɨkɨye ite ava sui oapi-api agwä ita pɨpe yuvɨreko.

Los Hechos 6:12

Evokoiyase a'e ava oyamotare'ɨ̇ uka opakatu ava mborerekwar reseve iyavei judío porokwaita rese oporombo'e va'e upe avei yuvɨreko; ichui oipɨsɨ yesapɨ'a Esteban seraso mborerekwar upe Porandusa ɨvate katu Va'esave yuvɨreko.

Los Hechos 6:7

A'ese Tüpä ñe'ëngagwer oyemosai katu tekwa pɨpe, ichui oyemboeta katu iri avei Jesús reroyasar yuvɨreko Jerusalén ve. Seta avei judío pa'i vɨroya iñe'ëngagwer yuvɨreko.