Los Hechos 3:4 - Tüpä Ñe'ëngagwer

⁴ A'e rumo oma'egätu yuvɨreko sese, ipare Pedro aipo e'i chupe: –Ema'e ore rese.

Tũpa Ñehengagüer

⁴ Pedro, Juan avei rumo omahengatu yuvɨreco sese. Pedro aipo ehi chupe: —Emahe ore rese —ehi.

Los Hechos 3:4 Iomraidhean Croise

San Lucas 4:20

Ipare Jesús omboya kwachiar imondo oɨ judío ñemonu'äsa ñangarekwar pɨtɨ̇vɨïsar upe ipare ogwapɨ öi. Opakatu yuvɨnoi va'e a'eve oma'egätu yuvɨreko sese.

San Juan 11:40

Jesús omboyevɨ chupe: –¿Na mombe'ui vo akoi ndeu, ko ereroyase, eresepiara Tüpä porañetesa eiko?

San Juan 5:6

Jesús rumo osepiase a'eve supave tuise oikwa voi ete vɨreko pukuse omba'erasɨsa oyese, a'e oporandu chupe: –¿Ereipota vo nde kwera agwä?

Los Hechos 10:4

Cornelio oma'egätuño ou mbigwai ɨva pendar rese, ipare osɨkɨye pɨpe tëi oporandu chupe: “¿Mba'e vo ereipota eiko, che Yar?” Mbigwai ɨva pendar aipo e'i chupe: “Tüpä oipɨsɨ nde yeruresa; osepia avei nde poroparaɨsuerekosa.

Los Hechos 11:6

Asepia tuprɨ ite ipɨpe opakatu mba'e oime va'e, asepia avei mba'e mɨmba iyavei ma'embiar oñaröai va'e, mboi iyavei vɨräi.

Los Hechos 3:1

Ñepëi arɨ pɨpe, Pedro iyavei Juan yuvɨraso tüpärove oyerure agwä ka'aruarɨ yemombɨtesa rupi yuvɨreko.

Los Hechos 3:11

Ndogwatai va'ekwer ndoyepepɨ potai Pedro iyavei Juan sui. Yuvɨnoña atɨ, oyepɨ'amondɨi ava sepiase tüpäro rokendɨpɨ Salomón serer va'esave a'eve yuvɨrekoise.

Los Hechos 3:12

Pedro, mba'e repiare, aipo e'i ava upe: “¿Ma'erä vo peyemondɨi ko mba'e repiase, pe Israel ɨgwar? ¿Ma'erä vo ore repia atɨ peye ndoyavɨi ko ore pirätäsa pɨpe tëi iyavei Tüpä rese ore pɨ'añemoñeta tuprɨsa pɨpe tëi orombogwera va'e ko mbɨa peü viña?

Los Hechos 3:3

A'e ndogwatai va'e osepia Pedro iyavei Juan yuvɨroike potase tüpäro pɨpe, a'ese oporandu porerekosa rese chupe yuvɨreko.

Los Hechos 3:5

Evokoiyase a'e mbɨa oma'egätu sese, omboura revo mba'e cheu e'i viña.