Los Hechos 27:3 - Tüpä Ñe'ëngagwer

³ A'ere arayi'ive oroyepota yemboyasa Sidón serer va'esave, a'eve Julio saɨsupave Pablo upe aipo e'i egwata tuprɨ nde mborɨpar rëtä rupi nde rese i'añeko tuprɨ agwä yuvɨreko.

Tũpa Ñehengagüer

³ Ahere ayihive oroyepota yemboyasa Sidón serer vahesave, aheve Julio saɨsupave Pablo upe aipo ehi: “Eguata tuprɨ nde mborɨpar rẽta rupi nde rese ihañeco tuprɨ ãgua yuvɨreco” ehi chupe.

Los Hechos 27:3 Iomraidhean Croise

San Mateo 11:21

“¡Peparaɨsu ava tekwa Corazín pendar! ¡Pe avei peparaɨsu, tekwa Betsaida pendar! Esepia ni'ä Tiro Sidón ve yaposara poromondɨisa viña a'e rumo yaposa ite pe pa'üve, araka'eve ite rumo oyevɨpara Tüpä upe yuvɨreko viña, opa aveira omonde turukwar yanavusu va'e iyavei tanimbu omondo oyese yuvɨreko viña.

Los Hechos 12:20

Yɨpɨndar rumo Herodes ndasorɨi ete ava Tiro pendar upe Sidón pendar upe avei, evokoiyase a'e pendar oyoya ipɨ'añemoñeta yuvɨraso va'erä mborerekwar rovai. A'e oyemborɨ Blasto rese yuvɨreko, a'e mborerekwar ɨvate katu va'e Herodes mboyoyasar, a'e oporandu Blasto upe Herodes moñerö uka agwä rese, esepia Herodes porokwaita sui oipɨsɨ mba'e gwemi'ura yuvɨreko yepi.

Los Hechos 24:23

Ipare oyokwai Félix sundao rerekwar Pablo rokenda iri agwä, eremondora rumo mba'e semimbotar apo agwä chupe iyavei imborɨpar yugweruse ti'añekoño yuvɨreko sese.

Los Hechos 27:1

Evokoiyase mborerekwar opɨ'añemoñeta omboyoya yuvɨreko ore mondo agwä ɨarusu pɨpe Italia ve. Sese omondo Pablo iyavei ambuae ava sokendaprɨ yuvɨreko mbɨa Julio serer va'e upe, a'e mbɨa sundao re'ɨi rerekwar sekoi, a'e yuvɨrekoi va'e rer Mborerekwar upendar.

Los Hechos 27:43

Sundao rerekwar rumo ndoipotai sokendaprɨ yuka agwä, esepia oipɨsɨrö pota ite Pablo, sese aipo e'i oporokwai opakatu oikwa va'e o'ɨta a'e toyuvɨrokui ɨve o'ɨta agwä sovai osasa va'erä ɨvɨ ku'isave yuvɨreko,

Los Hechos 28:16

Oroyepotase Roma ve, sundao rerekwar kokotɨ omondo Pablo ñepëi sundao upe särö uka agwä.