Los Hechos 2:9 - Tüpä Ñe'ëngagwer

⁹ Esepia, ko'ave yuvɨrekoi va'e: Partias pendar, Media pendar, Elam pendar, Mesopotamia pendar, Judea pendar, Capadocia pendar, Ponto pendar, Asia pendar,

Tũpa Ñehengagüer

⁹ Esepia, cohave yuvɨrecoi vahe: Partias pendar, Media pendar, Elam pendar, Mesopotamia pendar, Judea pendar, Capadocia pendar, Ponto pendar, Asia pendar,

Los Hechos 2:9 Iomraidhean Croise

Los Hechos 16:6

Espíritu Maräne'ɨ̇ ndoipotai Asia rupi yuvɨraso va'erä Tüpä ñe'ëngagwer mombe'u agwä, sese oya'uva yuvɨraso Frigia rupi Galacia rupi avei,

Los Hechos 18:2

A'eve oyoepia mbɨa judío Áquila serer va'e rese yuvɨreko, a'e mbɨa aipo Ponto ve sekoi va'ekwer. Yɨpɨve katu rumo Áquila yugweru Italia sui gwembireko Priscila reseve, ichui yuvɨñose va'erä esepia mborerekwar Claudio toyuvɨnose ite opakatu judío Roma sui e'i, a'ese Pablo oso ipɨri,

Los Hechos 19:10

egwë e'i ñuvɨrïo aravɨter rupi oiko, opakatu yuvɨrekoi va'e Asia rupindar, judío eta nda'ei va'e avei judío, osendu yuvɨreko yande Yar ñe'ëngagwer.

Los Hechos 19:27

Esepia avɨyeteramo mba'e tëi oimerä yandeu yande poravɨkɨsa mokañɨ tëi agwä, tüpäro gwasu Artemisa upendar okañɨ tëi aveira, opakatu Asia pendar iyavei ava opakatu ɨvɨ rupindar omboetei akoi Artemisa ra'anga yuvɨreko viña, avɨyeteramo rumo ava nomboete iri chira.”

Los Hechos 19:31

Oime avei movɨrö mborerekwar Pablo mborɨpar Asia rupindar, a'e omondo oñe'ë yuvɨreko chupe seike e'ɨ̇ agwä a'eve.

Los Hechos 2:8

¿Ma'erä pi'ä ko ñepëi-pëi oñe'ë yande ñe'ë pɨpe yuvɨreko?

Los Hechos 20:16

Pablo ipoyava ite, esepia ndopɨta puku potai Asia ve, sese ndoso potai Éfeso ve; esepia oyepota voi pota Jerusalén ve oso, Pentecostés pieta pɨpe tuprɨ gweko agwä.

Los Hechos 20:18

Oyepotase yuvɨreko aipo e'i chupe: “Peikwa ite marä e'i che rekokwer yɨpɨ suive ayuse ko'ave Asia ɨvɨ rese.

Los Hechos 20:4

Yuvɨraso supi Sópatro Berea pendar, Pirro ra'ɨrɨ; Aristarco iyavei Segundo Tesalónica pendar, Gayo Derbe pendar, Timoteo, Tíquico Trófimo avei Asia pendar.

Los Hechos 21:27

Opa potase evokoi ñuvɨrïo ova arɨ, oime movɨrö judío Asia pendar osepia Pablo tüpäro pɨpe a'ese omoñemoɨrö opakatu ava re'ɨi. Ipare oipɨsɨse Pablo yuvɨreko,

Los Hechos 24:18

Evokoiyase movɨrö judío Asia pendar che repia yuvɨreko tüpäro pɨpe judío porokwaita rupi che ñemoatɨrö pare, ndipoi a'ese ava re'ɨi che rupi namboaɨvu gwasu ukai avei ava, a'e che repia va'e rumo iya yugweru ndeu che mombe'u agwä, vɨrekose che amotare'ɨ̇sa yuvɨreko.

Los Hechos 27:2

Oro'a ɨarusu pɨpe, a'e Adramitio sui yuvɨraso pota va'e Asia ve. Mbɨa Tesalónica pendar, Aristarco serer va'e o'a avei ore rupi, a'e sekwa Macedonia ɨvɨ rupi.

Los Hechos 6:9

Evokoiyase Jerusalén ve oime oɨ judío ñemonu'äsa Mbigwaigwer serer va'e, a'e pendar tekwa Cirene ɨgwar, Alejandría ɨgwar, Cilicia ɨgwar iyavei Asia ɨvɨrindar yuvɨrekoi va'e reseve omboɨpɨ oiñe'ë poepɨ-epɨ Esteban yuvɨreko;

Los Hechos 7:2

ipare a'e omboyevɨ chupe: “Che mu eta, peyapɨsaka che ñe'ë rese: Tüpä imboeteiprɨ oyemboyekwa yande ramoi Abraham upe araka'e Mesopotamia ve sekoi vɨtese, icho renondeve Harán ve seko agwä,

Romanos 16:5

Pemombe'u avei che ma'endu'asa Prisca Áquila rëtäve oñemonu'ä va'e upe yuvɨreko. Pemombe'u avei che ma'endu'asa che rembiaɨsu Epéneto upe, a'e rane ni'ä yɨpɨndar ɨvɨ Asia pendar Cristo reroyasar sekoi.

1 Corintios 16:19

Jesús reroyasar Asia pendar opakatu ombou oma'endu'asa yuvɨreko peü. Áquila, Prisca avei ima'endu'a iteanga yuvɨreko pe rese iyavei opakatu ambuae ava oñemonu'ä va'e sëtäve yuvɨreko, a'e avei ombou oma'endu'asa yande Yar rer pɨpe yuvɨreko peü.

2 Corintios 1:8

Che rɨvrɨ eta, oromombe'u pota peü ɨvɨ Asia rupi ore paraɨsu agwer. Ore rekoa'äsa yavai va'e ite oime a'eve oreu, ndoroikatu iri ete oroñemosa ore pirätä e'ɨ̇se chupe, iyavei orepɨ'añemoñeta seni, yamanoño itera ko mba'e-mba'e tëi pɨpe oro'e viña.

2 Timoteo 1:15

Ereikwa ni'ä ko ava opakatu Asia ɨvɨ rupindar oyepepɨño yuvɨreko che sui; ipa'üve yuvɨrekoi mbɨa ñuvɨrïo, a'e serer Figelo iyavei Hermógenes.

1 San Pedro 1:1

Che Pedro, Jesucristo ñe'ë mombe'usar aikwachia ko che ñe'ë peü, pe Tüpä rembiporavo pe rekwa pɨpe sui peñemosai va'e ɨvɨ Ponto, Galacia, Capadocia, Asia iyavei Bitinia rupi peiko va'e upe,

Apocalipsis 1:11

aipo e'i cheu: “Eikwachia mba'e eresepia va'e, ipare emondopa ñuvɨrïo ova tekwa pendar che reroyasar ɨvɨ Asia rupindar upe: Éfeso ve, Esmirna ve, Pérgamo ve, Tiatira ve, Sardis ve, Filadelfia ve, iyavei Laodicea ve.”

Apocalipsis 1:4

Che Juan, aikwachia Jesús reroyasar ñuvɨrïo ova tekwa Asia ɨvɨ rupindar yuvɨrekoi va'e upe. Peipɨsɨ porovasasa, teko tuprɨsa Tüpä suindar ou va'erä sui; ñuvɨrïo ova espíritu suindar aveino, a'e yuvɨno'äi va'e senda porañete va'e rovai,