Los Hechos 2:5 - Tüpä Ñe'ëngagwer

⁵ A'e arɨ pɨpe seta iteanga judío yuvɨrekoi Jerusalén ve omboavɨye va'e okwaita Tüpä mboeteisa, a'e oñemonu'ä va'e opakatu ɨvɨ rupindar yuvɨreko.

Tũpa Ñehengagüer

⁵ Ahe arɨ pɨpe setá iteanga judío yuvɨrecoi Jerusalén ve omboavɨye vahe ocuaita Tũpa mboeteisa, ahe oñemonuha vahe opacatu ɨvɨ rupindar yuvɨreco.

Los Hechos 2:5 Iomraidhean Croise

San Mateo 24:14

Iyavei ko ñe'ësa ikatuprɨ va'e Tüpä mborerekwasa resendar imombe'usapa ranera opakatu ɨvɨ rupi, ikwa uka agwä; a'ese ramo ite oimerä kañɨsa.”

San Lucas 17:24

Esepia inungar overa-vera va'e osesapese, ɨva opakatu rupi, egwë e'i etera yande Yar Ra'ɨrɨ oyevɨse ou agwä kuri.

San Lucas 2:25

A'e arɨ pɨpe araka'e ñepëi mbɨa sekoi va'e Jerusalén ve Simeón serer va'e. A'e mbɨa avɨye eteprɨ va'e sekokwer, osärö va'e avei Pɨsɨrösar imombe'uprɨ. Espíritu Maräne'ɨ̇ rumo sekoi va'e ite Simeón rese,

San Lucas 24:18

ipa'ü pendar, Cleofas serer va'e omboyevɨ chupe: –¿Nde gweraño ite ereiko erepɨtu'u va'e Jerusalén ve ndereikwai ete vo mba'e oime va'e a'eve ko arɨ pɨpe?

San Juan 12:20

Yuvɨraso va'e ava re'ɨi pa'ü rupi Jerusalén ve oyerure agwä pieta pɨpe, a'eve avei oime aipo movɨrö griego yuvɨrekoi va'e.

Los Hechos 10:2

A'e mbɨa omboetei Tüpä opakatu gwa'ɨrɨ, gwembireko reseve yepi, iyavei omondoño ite judío pɨtɨ̇vɨï agwä gwarepochi, oyerure avei Tüpä upe yuvɨreko yepi.

Los Hechos 10:7

Osose mbigwai ɨva pendar akoi oñe'ë va'ekwer sese, a'ese Cornelio oñe'ë ñuvɨrïo gwembigwai upe iyavei ñepëi sundao Tüpä mboeteisar upe sese oyeroya va'e ite yepi,

Los Hechos 13:50

Judío eta rumo oñe'ë yuvɨrekoi va'e kuña seko katuprɨ va'e rese mbɨa seko ɨvate katu va'e tekwa pɨpendar rese avei, ipare omboɨpɨ oñe'ë Pablo iyavei Bernabé mose agwä gwekwa sui yamotare'ɨ̇save yuvɨreko.

Los Hechos 2:1

Oyepotase Pentecostés pieta, opakatu Jesús reroyasar oñemonu'ä oɨ gwasu pɨpe yuvɨreko.

Los Hechos 22:12

“A'eve oime ñepëi mbɨa Ananías serer va'e, a'e Tüpä mboyeroyasar ite vɨroya tuprɨ va'e avei Moisés porokwaita; opakatu judío yuvɨrekoi va'e Damasco ve oñe'ë tuprɨai yuvɨreko sese.

Los Hechos 8:2

Oime ava ipɨ'añemoñeta tuprɨai va'e vɨraso Esteban re'ögwer ñotɨ̇ yuvɨreko iyavei oyase'o iteanga yuvɨreko sese.

Los Hechos 8:27

A'ese Felipe opü'a ipare oso; a'e perɨ rupi osovaïchi ñepëi mbɨa Etiopía pendar. A'e seko ɨvate va'e gwarepochi apokatusar Etiopía pendar kuña mborerekwar upe narä yepi, a'e mbɨa oso va'e Jerusalén ve Tüpä upe oyerure agwä.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.