Los Hechos 2:2 - Tüpä Ñe'ëngagwer

² A'eve oɨ pɨpe avɨyeteramo tëi ɨvɨtu ipirätä va'e nungar sɨapu gwasu ou ɨva sui, a'e sɨapugwer oyeendupa tuprɨ oɨ pɨpe.

Tũpa Ñehengagüer

² Aheve oɨ pɨpe avɨyeteramo tẽi ɨvɨtu ipĩrata vahe nungar sɨapu guasu ou ɨva sui. Ahe sɨapugüer oyendupa tuprɨ oɨ pɨpe.

Los Hechos 2:2 Iomraidhean Croise

San Lucas 2:13

Avɨyeteramo tëi ñepëi mbigwai ɨva pendar ɨvɨi, oyemboyekwa ambuae mbigwai ɨva pendar re'ɨi, Tüpä upe osapukai va'e aipo e'i yuvɨreko:

San Juan 3:8

Ko ɨvɨtu oipeyu gwemimbotar opakatu rupi ete, yepe sendusa sɨapu, ndikwasai rumo kesui turi iyavei ke'osora. Egwë e'i avei opakatu ava oyesu va'e Espíritu pɨpe.

Los Hechos 2:3

A'ese oyekwa tata rendɨgwer nungar opakatu a'eve yuvɨrekoi va'e arɨve.

Los Hechos 2:6

Mba'e sɨapu gwasu va'e renduse, oñemonu'ä atɨ tëi ava oyese, ndoyemboarakwai tëi yuvɨreko ambuae ava oñe'ëse oñe'ë pɨpe yuvɨreko.

Los Hechos 4:31

Iyerure pare, Tüpä omborɨrɨi opakatu mba'e iñemonu'äsave yuvɨreko chupe; a'ese Espíritu Maräne'ɨ̇ opa oike yuvɨreko sese, sese osɨkɨye e'ɨ̇sa pɨpe omombe'u tuprɨ Tüpä ñe'ëngagwer yuvɨreko.

1 San Pedro 1:12

Tüpä rumo oikwa uka mba'e semimombe'ugwer yuvɨreko chupe, nda'ei rumo mba'e imombe'uprɨ chupe narä, a'e rumo peü perekokwer rese egwë e'i yuvɨreko. A'e avei ni'ä poropɨsɨrösa resendar ñe'ësa mombe'usar omombe'u peü kurïtëi, Espíritu Maräne'ɨ̇ pirätäsa pɨpe imbouprɨ ɨva sui yandeu. ¡Ko ñe'ësa oikwa pota tëi avei mbigwai ɨva pendar yuvɨreko!