Los Hechos 13:3 - Tüpä Ñe'ëngagwer

³ Evokoiyase oyerure iyavei oyekwaku pare, omondo opo yuvɨreko iporavoprɨ akä arɨve sovasa agwä ipare omondo yuvɨreko ambuae tekwa rupi Jesús rekokwer mombe'u agwä.

Tũpa Ñehengagüer

³ Evocoiyase oyeroquɨ pare, omondo opo yuvɨreco iporavoprɨ ãca harɨve sovasa ãgua. Ipare omondo yuvɨreco ambuae tecua rupi Jesús recocuer mombehu ãgua.

Los Hechos 13:3 Iomraidhean Croise

San Lucas 2:37

kurïtëi sekoi omer mano pare ochenta y cuatro aravɨter. Nosëi ete tüpäro pɨpe sui oiko, egwë e'i yande Yar mboetei pɨ̇tü arɨ rupi, oyekwakusa pɨpe oyeruresa pɨpe aveino.

Los Hechos 1:24

Ipare oyerure yuvɨreko aipo e'i: “Nde, ore Yar, opakatu ava pɨ'a ereikwa va'e. Emboyekwa ko'ave nde rembiporavo oreu uma vo ereipota

Los Hechos 13:2

Ñepëi arɨ opakatu Jesús reroyasar oñemonu'äse yande Yar mboetei agwä, oyekwaku avei, a'ese Espíritu Maräne'ɨ̇ aipo e'i chupe: “Peiporavo Bernabé iyavei Saulo, evokoi mbɨa aiporavo cheyeupe mboravɨkɨ apo agwä.”

Los Hechos 13:4

Evokoiyase Bernabé iyavei Saulo Espíritu Maräne'ɨ̇ porokwaita rupi yuvɨraso Seleucia ve, ichui yuvɨraso ɨarusu pɨpe ka'a pa'ü Chipre ve.

Los Hechos 14:23

Iyavei oiporavo ava yarakwa katu va'e ñepëi-pëi tüpäro yakatu rupi, ichui oyerure pare oyekwaku avei, ipare vɨropove'ë yande Yar upe, a'ese ramo ite vɨroya yuvɨreko.

Los Hechos 14:26

a'e ichui yuvɨraso ɨarusu pɨpe Antioquía ve, a'e tekwa pɨpe yɨpɨndar imondoprɨ Tüpä poroaɨsusa pɨpe mboravɨkɨ apo agwä a'eve opa porokwaita omboavɨye yuvɨreko.

Los Hechos 15:40

Pablo rumo oiporavo Silas oyeupi icho agwä, Jesús reroyasar a'e pendar osovasa yuvɨreko yuvɨnosë agwä sui

Los Hechos 6:6

Ichui vɨrasopa Jesús ñe'ë mombe'usar upe yuvɨreko, a'e omondo opo i'arɨve oyerure yuvɨreko sese.

Los Hechos 9:17

A'ese Ananías oso Saulo rekosave. Oikese oɨ pɨpe, omondo opo Saulo rese aipo aipo e'i chupe: –Che rɨvrɨ Saulo, yande Yar Jesús oyemboyekwa va'e ndeu perɨ rupi nde yuse, a'e che mbou nde mboesapɨso iri agwä toike avei katu Espíritu Maräne'ɨ̇ nde rese.

Romanos 10:15

¿Marä e'ira pi'ä ñe'ësa avɨye va'e mombe'u yuvɨreko, esepia nda'ei ete imbouprɨ yuvɨrekoi? Inungar Ikwachiaprɨ pɨpe aipo e'i: “¡Avɨyeai ete akoi ava gweru va'e ñe'ësa avɨye va'e pɨsɨrösa resendar!”

1 Timoteo 4:14

Nderepoi chira Tüpä ndeu mba'ekwasa ombou va'e sui, esepia ava Jesús reroyasar rärösar upe Tüpä omombe'use nde kwaitarä, omondo opo nde arɨve yuvɨreko.

1 Timoteo 5:22

Nde pɨ'a ñemoñeta tuprɨ ranera eresenoi va'erä mbɨa mborokwaita rese i'añeko agwä, avɨyeteramo nde rese päve mba'e oimerä. Eñearö tuprɨ nde reko maräne'ɨ̇sa pɨpe.

2 Timoteo 1:6

Sese che oromongere'ɨ̇ embouvicha katu ko Tüpä ombou va'e ndeu akoi amondose che po nde arɨve a'e ereko katu ndeyeupe.

2 Timoteo 2:2

Akoi che porombo'esa eresendu va'e ava re'ɨi rovake amondo va'e ndeu, embo'e tuprɨ mbɨa oyeroya va'e, oikatu va'e avei ambuae mbo'e agwä oiko.

3 San Juan 1:6

A'e omombe'u ore ñemonu'äsave opakatu nde poroaɨsusa resendar yuvɨreko oreu. Eyapo katu mba'e ikatuprɨ va'e; eipɨtɨ̇vɨï katu chupe mba'e ipane va'e rese igwataño agwä Tüpä remimbotar rupi yuvɨreko.

3 San Juan 1:8

Sese yande egwë ya'era yaiko evokoi nungar upe ñe'ësa supiete va'e rese ipɨtɨ̇vɨï agwä.