Los Hechos 10:3 - Tüpä Ñe'ëngagwer

³ Ñepëi arɨ pɨpe, ka'aruarɨ yemombɨtesa rupi, ikerai ou: A'ese osepia ñepëi mbigwai ɨva pendar Tüpä suindar oikese oso aipo e'i chupe: “¡Cornelio!”

Tũpa Ñehengagüer

³ Ñepei arɨ, caharuse las tres rupi, osepia oquer nungar pɨpe Tũpa rembiguai güecosave aipo ehi chupe: “¡Cornelio!” ehi.

Los Hechos 10:3 Iomraidhean Croise

San Mateo 27:46

A'e arɨ pɨpe avei ka'aruse, Jesús oñe'ë pirätä aipo e'i: “Elí, Elí, ¿lemá sabactani?” (aipo oya aipo e'i. “che Ru Tüpä, che Ru Tüpä, ¿ma'erä vo che reya eve?”)

San Lucas 1:11

A'eseve aipo oyemboyekwa ñepëi yande Yar rembigwai ɨva pendar Zacarías upe, opü'a o'ä itaɨsɨ renda ɨke kotɨ.

San Lucas 2:13

Avɨyeteramo tëi ñepëi mbigwai ɨva pendar ɨvɨi, oyemboyekwa ambuae mbigwai ɨva pendar re'ɨi, Tüpä upe osapukai va'e aipo e'i yuvɨreko:

Los Hechos 10:17

Pedro ipɨ'añemoñeta tëi oke raisa rese marä oyapave pi'ä egwë e'i, a'eseve Cornelio remimondo oporandu-randu pare, oyepota Simón rëtä rokendɨpɨve yuvɨreko.

Los Hechos 10:19

Ipɨ'añemoñeta vɨteseve Pedro mba'e oyemboyekwa va'ekwer rese, Espíritu Maräne'ɨ̇ aipo e'i chupe: “Esendu, mbosapɨ mbɨa nde reka yuvɨreko.

Los Hechos 10:30

Cornelio omboyevɨ chupe: –Opa irugätu arɨ, ka'aruarɨ yemombɨtesa rupi tuprɨ avei, aikose ko'ave che rëtäve, che yerure agwä, a'ese oyemboyekwa ñepëi mbɨa iturukwar sendɨyai va'e.

Los Hechos 10:9

A'ere arayi'ive, vɨrovɨse ka'aru tekwa Jope yuvɨraso, Pedro oyeupi oso oyerure agwä a'e oɨ pɨtu'usa yapoprɨ va'esave.

Los Hechos 11:13

a'e omombe'u oreu osepia va'ekwer gwëtäve ñepëi mbigwai ɨva pendar, a'e sovai aipo e'i va'e chupe: ‘Emondo mbɨa tekwa Jope ve Simón reru agwä ikwasa avei serer rese Pedro;

Los Hechos 27:23

Ayi'i pɨsa oyemopore'ɨ̇ cheu ñepëi mbigwai ɨva pendar, Tüpä remimbou supi che aiko chupe avei aporavɨkɨ,

Los Hechos 3:1

Ñepëi arɨ pɨpe, Pedro iyavei Juan yuvɨraso tüpärove oyerure agwä ka'aruarɨ yemombɨtesa rupi yuvɨreko.

Los Hechos 5:19

Ipare ñepëi mbigwai Yar suindar pɨ̇tü pɨpe omboipa poroekendasa rokenda opa vɨnose ichui, aipo e'i chupe:

Los Hechos 9:10

Ñepëi mbɨa sekoi va'e Damasco ve Jesús reroyasar serer va'e Ananías, a'e chupe oyemboyekwa Yar ikerve aipo e'i: “¡Ananías!” A'e omboyevɨ chupe: “Ko aiko, che Yar.”

Los Hechos 9:4

A'ese Saulo ovɨapi oso ɨvɨve, ipare osendu ɨva pendar ñe'ësa aipo e'i va'e: “Saulo, Saulo, ¿ma'erä vo che reka eiko eve?”

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

Hebreos 1:4

iyavei seko ɨvate katu mbigwai ɨva pendar yuvɨrekoi va'e sui, a'e vɨreko omborerekwasa ɨvate katu va'e ichui.