Los Hechos 1:3 - Tüpä Ñe'ëngagwer

³ Oyemboyekwa gwembiporavo upe omanore, seta rupi omboyekwa okwerayevɨsa. Semimbo'e eta osepia yuvɨreko imanore cuarenta arɨ rupi. A'ese omombe'u Tüpä mborerekwasa resendar gwemimbo'e upe.

Tũpa Ñehengagüer

³ Oyemboyecua güembiporavo upe omanore. Setá rupi omboyecua tuprɨ ocuerayevɨsa chupe. Semimbohe osepia yuvɨreco imanore cuarenta arɨ rupi. Ahese omombehu Tũpa mborerecuasa resendar güemimbohe upe.

Los Hechos 1:3 Iomraidhean Croise

San Mateo 21:43

Sese aipo a'e peü serokwasara mborerekwasa ɨva pendar ichui, a'e imondosara ñepëi tekwa iporeroya va'e upe.

San Mateo 28:9

A'ese, Jesús oyemboyekwa kuña upe omboavɨrave. A'e kuña evokoiyase oyemboya sese oñenopɨ'ä ipɨ ku'agwä imboeteisave yuvɨreko,

San Mateo 3:2

Oñe'ësave aipo e'i: “¡Peyevɨ Tüpä upe, esepia ko Tüpä mborerekwasa köimi ete sekoi!”

San Mateo 4:2

A'eve sekoi cuarenta arɨ iyavei cuarenta pɨ̇tü ndokarui ete, ipare rumo ndasɨepoi ete oiko.

San Marcos 16:19

Oñe'ë pare, yande Yar Jesús oso ɨvave a'eve ogwapɨ Vu Tüpä akato kotɨ öi.

San Juan 20:26

Mbosapɨ ova arɨ pare, semimbo'e eta opa iri oñemonu'ä ñepëi oɨ pɨpe, a'ese ramo Tomás sekoi ipa'üve. A'eve okenda opa tuprɨ omovɨräkwä yuvɨreko, Jesús rumo oikeño ite oso gwemimbo'e pa'üve aipo e'i imboavɨrave: –¡Teko tuprɨsa tasekoi perese!

San Juan 21:1

Ko ipare, Jesús oyemboyekwa iri gwemimbo'e eta upe, ɨpa Tiberia popɨ ɨvɨi. Egwë e'i ko sepiasa va'e:

San Juan 21:14

Ko rese Jesús oyemboyekwa mbosapɨ yupagwer gwemimbo'e upe okwerayevɨ pare.

Los Hechos 13:31

Seta arɨ rupi, Jesús oyemboyekwa oyeupi ogwata va'e upe, evokoi ava yugweru va'e supi Galilea sui Jerusalén ve; kurïtëi a'e ava ite omombe'u Jesús rekokwer tekwa upe yuvɨreko.”

Los Hechos 19:8

Mbosapɨ yasɨ rupi, Pablo oso oɨ judío ñemonu'äsave oiko, a'eve omombe'u ñe'ësa avɨye va'e osɨkɨye e'ɨ̇sa pɨpe, iyavei oñe'ë ava upe oikwa va'erä Tüpä mborerekwasa yuvɨreko.

Los Hechos 28:23

Oiporavo ñepëi arɨ iñe'ë agwä yuvɨreko, a'ese seta iteanga ava yuvɨraso Pablo sekosave. Añi'ïvëi ka'arureseve, Pablo omombe'u Tüpä mborerekwasa resendar iyavei Jesús rekokwer Moisés porokwaita ikwachiaprɨ pɨpe sui iyavei Tüpä ñe'ë mombe'usar rembikwachia pɨpe avei tovɨroya yuvɨreko oyapave.

Los Hechos 28:31

Omombe'u Tüpä mborerekwasa resendar iyavei oporombo'e opakatu yande Yar Jesucristo rekokwer resendar osɨkɨye e'ɨ̇sa pɨpe, ndipoi ete ñepëi ava omombɨtu'u va'e Pablo ñe'ëse.

Los Hechos 8:12

Vɨroyase ñe'ësa avɨye va'e Felipe remimombe'u Tüpä mborerekwasa resendar Jesucristo rekokwer resendar avei, a'ese ava re'ɨi vɨroya yuvɨreko, ipare oñeapirämo kuimba'e iyavei kuña yuvɨreko.

Romanos 14:17

Esepia Tüpä mborerekwasave ndikwasai mba'e ya'u va'e yaɨ'u va'e avei, a'e rumo oipota yande reko tuprɨ agwä, mba'e avɨye va'e pɨpe iyavei Espíritu Maräne'ɨ̇ rese yande reko agwä.

Colosenses 1:13

Tüpä ni'ä yande pɨsɨrö Karugwar povrɨ sui, egwë e'i yande reraso Gwa'ɨrɨ gwembiaɨsu povrɨve,

1 Tesalonicenses 2:12

iyavei oromondo pe kwaitarä pe reko tuprɨ agwä Tüpä remimbotar rupi. A'e ni'ä oñe'ë peü peiko va'erä sese imborerekwasa porañetesave.

1 San Juan 1:1

Ko kwachiar pɨpe oromombe'u peü yɨpɨsuive sekoi va'e, a'e orosendu orosepia avei ore resa pɨpe. Esepia orosepia iyavei oropoko sese. A'e ni'ä Tüpä Ñe'ë tekovesa resendar.