Los Hechos 1:1 - Tüpä Ñe'ëngagwer

¹ Imboeteiprɨ Teófilo, yɨpɨndar amondo evokoi che rembikwachia Jesús rekokwer resendar ndeu. Opa yɨpɨndar sembiapokwer amombe'u ndeu yɨpɨsui iporombo'e agwer avei

Tũpa Ñehengagüer

¹ Imboeteiprɨ Teófilo, cuese amondo evocoi che rembicuachía Jesús recocuer resendar ndeu. Opa yɨpɨndar sembiapocuer amombehu ndeu iyavei yɨpɨsui iporombohe agüer.

Los Hechos 1:1 Iomraidhean Croise

San Mateo 11:5

Pemombe'u chupe ndasesapɨsoi va'e osareko tuprɨ yuvɨreko, ipäri-päri va'e ogwata tuprɨ, iyavei mba'erasɨ vai rerekosar okwerapa tuprɨ, ndayapɨsai va'e avei yapɨsapa, omano va'e opa okwerayevɨ yuvɨreko iyavei ava iparaɨsu va'e upe imombe'usa pɨsɨrösa resendar ñe'ësa peyera chupe.

San Lucas 1:24

Ipare aipo sembireko Isabel imembɨ, poyandepo yasɨ vɨrekose nosëi tuprɨ gwëtä pɨpe sui, ipɨ'a ñemoñeta öi:

San Lucas 1:3

Che avei seroyaprɨ Teófilo, opa aseka tuprɨ yɨpɨsuive opakatu ko mba'ekwa tuprɨ agwä, ichui che amoigätu tuprɨ pota ikwachiaprɨ sesendar ndeu narä avei sereko,

San Lucas 14:22

Koiye rumo, aipo e'i mbigwai: ‘Che rerekwar, amboavɨye ite nde porokwaita, oime vɨte ambuae reike agwa.’

San Lucas 24:19

A'e evokoiyase oporandu: –¿Mba'e vo oime ko'ave? Aipo e'i yuvɨreko chupe: –Jesús Nazaret pendar, a'e Tüpä ñe'ë mombe'usar seko pirätä va'e opakatu mba'e apo agwä mba'e mombe'u agwä avei Tüpä rovake iyavei opakatu tekwa rupindar rovake;

San Lucas 3:23

Jesús vɨrekose treinta aravɨter a'ese ramo omboɨpɨ oporombo'e. A'e ikwaprɨ va'e ite José ra'ɨrɨ sekoise viña. José evokoiyase Elí ra'ɨrɨ sekoi,

Los Hechos 2:22

“Pe Israel suindar, pesendu che ñe'ë: Jesús Nazaret pendar, oyapo poromondɨisa tuvicha va'e, mba'e yavai va'e Tüpä pirätäsa pɨpe pe pa'üve gweko maräne'ɨ̇ mboyekwa agwä, a'e ni'ä peikwa opakatu.