San Juan 9:34 - Tüpä Ñe'ëngagwer

³⁴ Evokoiyase aipo e'i yuvɨreko chupe: –Nde evokoiyase ereyesu tëi va'e angaipa pɨpe, ¿ore mbo'e pota mba'e rese eve? Ipare omombo oɨ judío ñemonu'äsa pɨpe sui yuvɨreko.

Tũpa Ñehengagüer

³⁴ Evocoiyase fariseo eta aipo ehi yuvɨreco chupe: —¿Nde co oangaipa reseve oha vahe tẽi, ore mbohe pota mbahe rese eve? —ehi. Ipare omose ñepei reseve oñemonuhasa sui yuvɨreco.

San Juan 9:34 Iomraidhean Croise

San Lucas 11:45

Evokoiyase ñepëi Moisés porokwaita rese oporombo'e va'e aipo e'i chupe: –Porombo'esar, aipo eremombe'u va'e pɨpe ore avei oreamotare'ɨ̇ eve.

San Lucas 14:11

Esepia ni'ä akoi ava oyemboɨvateai va'e, a'e evokoiyase seko reroyɨsara; akoi ava seko mbegwe va'e rumo, a'e seko mboɨvate katusara.

San Lucas 18:17

Supiete amombe'u ndoipɨsɨpotai va'e che Ru Tüpä mborerekwasa chi'ïvä'emi nungar yuvɨreko, a'e ndoyuvɨroikei chietera ipɨpe.

San Lucas 6:22

Perorɨvete katu pe akoi ava pe amotare'ɨ̇se, pe mboyepepɨñose avei, iñe'ë-ñe'ë tëise avei akoi vɨroɨröse pe rer mba'e tëi pɨpe yuvɨreko, che ava ɨvate katu va'e Ra'ɨrɨ sui tëi.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 8:41

Pe avei peyapo mba'e inungar tuprɨ oyapo peyesupa yuvɨreko. A'e aipo e'i yuvɨreko chupe: –¡Ore rumo nda'ei imboyesuprɨ tëi oroiko; orovɨreko ñepëiño ite ore Yesupa, a'e Tüpä!

San Juan 9:2

Semimbo'e eta oroporandu yuvɨreko chupe: –Porombo'esar, ¿ma'erä pi'ä ko mbɨa ndasesapɨsoi ete o'a? ¿Oyesupa angaipa sui pi'ä, anise oangaipa sui ae tie?

San Juan 9:22

Iyesupa rumo osɨkɨyepave tëi aipo e'iño yuvɨreko, esepia judío eta opa ite oyemoigätu yuvɨreko imombo agwä oɨ judío ñemonu'äsa sui ava vɨroya va'e Jesús Poropɨsɨrösar sekoise e'i va'e.

San Juan 9:35

Jesús oyanduse ndasesapɨsoi va'ekwer mombose; ipare osepiase rumo oporandu chupe: –¿Ereroya vo nde ava ɨvate katu va'e Ra'ɨrɨ?

San Juan 9:40

Oime fariseo yuvɨrekoi va'e supi, osenduse aipo ñe'ësa, oporandu yuvɨreko chupe: –¿Ore avei vo ndasesapɨsoi va'e nungar oroiko?

Gálatas 2:15

Yande ni'ä judío yande'asa suive yaiko, nda'ei avei ava angaipa viyar nungar tëi yaiko.

Efesios 2:3

Yɨpɨndar opakatu yande avei yagwata, yande remimbotar rupi tëi yande rekokwerai pɨpe, yande pi'añemoñeta raisa rupi tëi avei yayapo mba'e. Sese Tüpä ñemoɨrösa yaipɨsɨra opakatu ambuae ava rupive avei.

1 San Pedro 5:5

Iyavei pe mbɨa chi'ïvä'e peiko va'e, pemboyeroyara ava Jesús ñe'ë rärösar. Iyavei opakatu peyemboyeroyara pe reko mbegwesa pɨpe, esepia aipo e'i Ikwachiaprɨ pɨpe: “Tüpä ava oyeeko mboɨvateai va'e amotare'ɨ̇mbar sekoi, ava seko mbegwemi va'e upe rumo ombou oporovasasa.”

3 San Juan 1:10

Evokoiyase asose eipeve, amboarakwara opakatu Tüpä vɨroya va'e rovai sembiapoai rese. Esepia a'e oñe'ë-ñe'ë tëi ore rese, nda'ei a'e gweraño, ndoipɨsɨ potai avei gwëtäve yande rɨvrɨ eta oyepota va'e, iyavei ndoipotai ambuae upe ipɨsɨ agwä sëtäve, akoi oipɨsɨse, omombo voiño ite ñemonu'äsa sui.

3 San Juan 1:9

Che aikwachia che ñe'ë eipeve Tüpä reroyasar upe, Diótrefes rumo ndovɨroyai ore mborerekwasa, esepia a'e oipotarai mborerekwar gweko agwä.

Apocalipsis 13:17

A'ese ava ndipoi ete oikatu va'e mba'e rerokwa, anise mba'e mondo agwä avei, akoi ndovɨrekoise mba'e ɨpɨ vai rer, anise serer retakwer ndovɨrekoise oyese.