San Juan 9:24 - Tüpä Ñe'ëngagwer

²⁴ Judío eta oyevɨ iri oñe'ë akoi ndasesapɨsoi va'ekwer upe, aipo e'i yuvɨreko chupe: –Emombe'u oreu mba'e supi tuprɨ va'e Tüpä rovai. Esepia ore oroikwa ite evokoi mbɨa angaipa viyar sekoise.

Tũpa Ñehengagüer

²⁴ Evocoiyase fariseo güeru uca iri acoi mbɨa imbogüeraprɨ yuvɨreco, aipo ehi yuvɨreco chupe: —Emombehuño oreu Tũpa rovaque mbahe supi tuprɨ vahe. Esepia, ore oroicua ité evocoi mbɨa angaipa viyar seco rese —ehi.

San Juan 9:24 Iomraidhean Croise

San Marcos 15:27

Supive avei yatɨkasa ñuvɨrïo imondarai va'e, ñepëi mba'e rese ipokosa kotɨ, ambuae mba'e rese ipokoe'ɨ̇sa kotɨ.

San Lucas 15:2

Fariseo eta iyavei Moisés porokwaita rese oporombo'e va'e vɨroɨrö tëi yuvɨreko, aipo e'i: –Ko mbɨa omborɨ potarai ava yangaipa gwasu va'e, okaru avei ipa'üve.

San Lucas 19:7

Osepiase rumo, opakatu ava vɨroɨrö Jesús yuvɨreko aipo e'i, oso opɨta ava yangaipa va'e rëtäve tëi.

San Lucas 7:39

Fariseo vɨraso va'ekwer Jesús gwëtäve, osepiase ipɨ'a ñemoñeta tëi aipo e'i: “Supiete ko mbɨa Tüpä ñe'ë mombe'usar ite sekoise viña, oikwaño itera ko kuña opokose sese viña: esepia kuña angaipa viyar tëi.”

San Juan 14:30

Na ñe'ë atɨ iri chira mba'e rese peü, esepia ou ite oporokwai va'e ko ɨvɨ pɨpe. Yepe a'e ndovɨrekoi ete omborerekwasa ɨvate katu va'e che sui viña,

San Juan 16:2

A'ese pe mombora oɨ judío ñemonu'äsa sui yuvɨreko, iyavei osupitɨse arɨ peyuka agwä yuvɨreko a'e rumo Tüpä upe narä ite egwë yae yaiko e'i yuvɨreko viña.

San Juan 18:30

Nda'eise oporapichi va'e viña–ndorogwerui chietera revo ndeu viña–, e'i yuvɨreko chupe.

San Juan 19:6

Osepiase rumo pa'i eta rerekwar iyavei sundao eta tüpäro rärösar, omboɨpɨ gwasë yuvɨreko: –¡Tayatɨkasa! ¡Tayatɨkasa! Pilato aipo e'i ava eta upe: –Peraso peyatɨka pe ae, esepia che ndayosɨi ete ñepëi mba'e sembiavɨ naporäi va'e.

San Juan 5:23

egwë e'ira opakatu Che mboetei agwä inungar omboetei che Ru yuvɨreko. Akoi ndache mboetei va'e, egwë e'i avei che Ru mboetei e'ɨ̇, a'e ni'ä che mbousar.”

San Juan 8:46

¿Uma pi'ä pe pa'ü pendar oikwa che aikose angaipa pɨpe? Iyavei amombe'use mba'e supi tuprɨ va'e, ¿ma'erä vo evokoiyase ndache reroyai ete peye?

San Juan 8:49

Jesús rumo omboyevɨ chupe: –Che ndarekoi ete karugwar cheyese. Che ayapo mba'e che Ru mboeteisa pɨpe ite yepi, pe rumo ndache mboetei ete peye.

San Juan 9:16

Oime fariseo pa'ü pendar aipo e'i yuvɨreko: –Akoi oyapo va'e ko nungar mba'e nda'ei ete Tüpä suindar, esepia ni'ä nomboetei ete mbɨtu'usa arɨ. Ambuae rumo aipo e'i yuvɨreko: –¿Marä e'ira pi'ä poromondɨisa apo viña, angaipa viyar tëi gwekose? Esepia oyeavɨratɨ tëi ipɨ'añemoñetasa yuvɨreko,

San Juan 9:25

A'e rumo omboyevɨ chupe: –Che ndaikwai ete angaipa viyar sekoise. Ko gweraño katu che aikwa che ndasesapɨsoi va'ekwer aiko; iyavei kurïtëi asareko tuprɨai ete.

Romanos 8:3

Esepia Tüpä oyapo ndoikatui va'e Moisés porokwaita yapo, supiete ndoikatui yapo ava angaipa pɨpe sui: Sese Tüpä ombou Gwa'ɨrɨ yande nungar tuprɨ ite iyavei angaipa repɨrä, egwë e'i imokañɨ opakatu yande angaipa yandesui, yande remimbotarai avei.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Apocalipsis 11:13

A'eseve voi oime ɨvɨ rɨrɨi tuvicha va'e, ichui tekwa gwasu imboopa yandepoyovaivesa ya'okwer opa onduru, a'ese siete mil tuprɨ ava opa omano yuvɨreko. Evokoiyase ava rumbɨrer, osɨkɨyepave tëi osapukai Tüpä ɨva pendar upe imboeteisa pɨpe yuvɨreko.