San Juan 9:17 - Tüpä Ñe'ëngagwer

¹⁷ iyavei oporandu iri yuvɨreko ndasesapɨsoi va'ekwer upe: –Akoi ndemboesareko va'ekwer rese, ¿marä e'i nde pɨ'añemoñeta a'e mbɨa rese? A'e aipo e'i imboyevɨ: –Che aipo a'e Tüpä ñe'ë mombe'usar ite sekoi.

Tũpa Ñehengagüer

¹⁷ Sese oporandu iri ndasesapɨsoi vahecuer upe yuvɨreco aipo ehi: —Nde no, ¿mara ehi nde pɨhañemoñeta co mbɨa rese? —ehi. Ahe evocoiyase aipo ehi: —Che amoha ité Tũpa ñehe mombehusar secose —ehi.

San Juan 9:17 Iomraidhean Croise

San Mateo 21:11

Ava yugweru va'e Jesús rupi omboyevɨ yuvɨreko chupe: –Tüpä ñe'ë mombe'usar Jesús, Nazaret pendar ɨvɨ Galilea rupindar.

San Lucas 24:19

A'e evokoiyase oporandu: –¿Mba'e vo oime ko'ave? Aipo e'i yuvɨreko chupe: –Jesús Nazaret pendar, a'e Tüpä ñe'ë mombe'usar seko pirätä va'e opakatu mba'e apo agwä mba'e mombe'u agwä avei Tüpä rovake iyavei opakatu tekwa rupindar rovake;

San Juan 4:19

Aipo osenduse, a'e kuña aipo e'i chupe: –Nde ava, avɨye moko Tüpä ñe'ë mombe'usar ereiko cheu.

San Juan 6:14

Evokoiyase ava, ko poromondɨisa gwasu Jesús rembiapo repiase, aipo e'i yuvɨreko: –Supiete ko Tüpä ñe'ë mombe'usar sekoi ou va'evɨ ko ɨvɨ pɨpe.

San Juan 9:15

a'e oporandu yuvɨreko chupe marä ere ite vo ko esareko. Ipare a'e omboyevɨ: –Omondo ɨvɨ gwendɨ pɨpe omoakɨ̇ va'e che resa rese ichui ayovai, ipare kurïtëi asareko.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 2:22

“Pe Israel suindar, pesendu che ñe'ë: Jesús Nazaret pendar, oyapo poromondɨisa tuvicha va'e, mba'e yavai va'e Tüpä pirätäsa pɨpe pe pa'üve gweko maräne'ɨ̇ mboyekwa agwä, a'e ni'ä peikwa opakatu.