San Juan 8:49 - Tüpä Ñe'ëngagwer

⁴⁹ Jesús rumo omboyevɨ chupe: –Che ndarekoi ete karugwar cheyese. Che ayapo mba'e che Ru mboeteisa pɨpe ite yepi, pe rumo ndache mboetei ete peye.

Tũpa Ñehengagüer

⁴⁹ —Che ndarecoi eté caruguar cheyese. Che rumo che Ru amboetei; pe rumo ndache mboetei eté peye.

San Juan 8:49 Iomraidhean Croise

San Juan 11:4

Jesús osenduse, aipo e'i: –Ko mba'erasɨsa rumo nda'ei imano agwä ite, egwë e'i Tüpä reko porañetesa mboyekwa agwä, Tüpä Ta'ɨrɨ reko porañetesa mboyekwa agwä avei.

San Juan 12:28

Che Ru, emboyekwa nde pirätäsa nderer porañetesa mboetei agwä.” A'ese oyeendu ɨva sui ñepëi ñe'ësa, aipo e'i va'e: “Opa ni'ä amboetei sereko yepi, ayevɨ iri etera rumo imboetei agwä.”

San Juan 14:13

Iyavei peporanduse opakatu mba'e rese che rer pɨpe, che amondoño itera peü, ipɨpe sui che Ta'ɨrɨ amboyekwara che Ru reko porañetesa vichiko.

San Juan 17:4

“Che ni'ä oromboetei ko ɨvɨ pɨpe nderereko, iyavei amboavɨye ite nde porokwaita chekwai va'e rese eve.

San Juan 7:20

Ava omboyevɨ yuvɨreko chupe: –¡Nde erereko karugwar ndeyese! ¿Ava vo nde yuka pota?

San Juan 8:29

Esepia che mbousar ni'ä che rupive ite sekoi; che Ru ndache reyai va'e ite che ae, esepia che ayapoño ite mba'e semimbotar yepi.

Los Hechos 5:41

Ipɨpe Jesús ñe'ë mombe'usar ovɨ'arete iteanga, esepia Tüpä ombou chupe iparaɨsu agwä yuvɨreko Jesús rer rese iyeroyasa sui tëi.

1 Corintios 11:14

Yande ite ni'ä yaikwa oimese yemochisa kuimba'e oyembo'a vuku gwasuse;

1 Corintios 15:43

Te'ögwer ñotɨ̇mbrɨ nimomburusai va'e; koiye okwerayevɨse rumo imboeteiprɨ ite sekoi. Akoi ava re'ögwer oñotɨ̇ va'e yuvɨreko; nipirätä iri ete oiko koiye okwerayevɨse rumo ipirätä itera.

1 San Pedro 2:23

Akoi ava iñe'ë marä-marä tëise yuvɨreko chupe, nomboyevɨi ete iñe'ë raisa; iyavei akoi omombaraɨsuse yuvɨreko, ayepɨra sese nde'i ete, a'e rumo, che Ru Tüpä seko ɨ̇vi va'e oikwara chupe yuvɨreko e'iño oyeupe mba'e-mba'e tëi aposar upe.