San Juan 8:46 - Tüpä Ñe'ëngagwer

⁴⁶ ¿Uma pi'ä pe pa'ü pendar oikwa che aikose angaipa pɨpe? Iyavei amombe'use mba'e supi tuprɨ va'e, ¿ma'erä vo evokoiyase ndache reroyai ete peye?

Tũpa Ñehengagüer

⁴⁶ ¿Ava pĩha pe pãhu pendar oicua mbahe che rembiavɨ? ¡Aní eté! Che añehe mbahe supi eté vahe rese pẽu, ¿mahera ru evocoiyase ndache reroyai eté peye?

San Juan 8:46 Iomraidhean Croise

San Marcos 11:31

A'e evokoiyase oñemoñeta aipo e'i oyeupe yuvɨreko: “Yamboyevɨse chupe viña Tüpä ombou, a'e aipo e'ira: ‘Evokoiyase, ¿ma'erä ru ndaperoyai?’ e'ira yandeu.

San Juan 14:30

Na ñe'ë atɨ iri chira mba'e rese peü, esepia ou ite oporokwai va'e ko ɨvɨ pɨpe. Yepe a'e ndovɨrekoi ete omborerekwasa ɨvate katu va'e che sui viña,

San Juan 15:10

Akoi peroyase che porokwaita, peikora che poroaɨsusa pɨpe, inungar che aroya che Ru porokwaita iyavei aikoveño ite iporoaɨsusa pɨpe vichiko.”

San Juan 16:8

Akoi a'e ouse, opa itera mba'e omboyekwa opakatu ava ɨvɨpɨpendar upe uma angaipa viyar sekoi, iyavei uma ava ndoyavɨi va'e mba'e yuvɨreko, iyavei uma oipɨsɨra Tüpä poromokañɨsa kuri.

San Juan 18:37

Evokoiyase Pilato oporandu iri chupe: –¿Nde ite katu mborerekwar ɨvate katu va'e ereiko? Jesús omboyevɨ chupe: –Nde ite ni'ä aipo ere cheu: che ni'ä mborerekwar ɨvate katu va'e. Che ayesu iyavei ayu ko ɨvɨ pɨpe amombe'u va'erä mba'e supi va'e ete. Iyavei opakatu vɨroya va'e ñe'ësa supi va'e ite, a'e osenduño avei che ñe'ë yuvɨreko.

San Juan 8:47

Akoi ava Tüpä suindar, a'e osendu Tüpä ñe'ë; pe rumo nda'ei ete Tüpä suindar peiko, ndapesendu potai ete iñe'ë.

San Juan 8:7

Ipare oporandu-randuño itese yuvɨreko chupe, a'ese sovaɨva aipo e'i: –Akoi ñepëi pe pa'ü pendar ndovɨrekoi va'e angaipa, a'e rane yɨpɨndar toyapi ita pɨpe.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Hebreos 4:15

Esepia yande pa'i ɨvate katu va'e oikwaño ite yande rekokwer pirätä e'ɨ̇sa, esepia a'e avei ni'ä yande nungar vɨroparaɨsu opakatu mba'e-mba'e tëi gwekoa'äsa pɨpe araka'e; a'e rumo ndoyemboangaipai ete ipɨpe.

Hebreos 7:26

Supiete Jesús pa'i ɨvate katu va'e sekoi, evokoi nungar ipane ite yandeu yɨpɨndar. A'e ndaseko maräi va'e, ndoyapoi va'e mba'e tëi gweko maräne'ɨ̇sa pɨpe, nda'oyoyai avei ava angaipa viyar rese, iyavei a'e ɨvate katu va'e ɨva pendar sui.

1 San Pedro 2:22

Esepia Cristo ndoyapoi ete angaipa ndoporombopai va'e avei.