San Juan 8:43 - Tüpä Ñe'ëngagwer

⁴³ ¿Ma'erä pi'ä ndapesendukwa katui ete mba'e che remimombe'u? Esepia ndapeyapɨsaka potai ete che ñe'ë rese.

Tũpa Ñehengagüer

⁴³ ¿Mahera pĩha ndapesenducua catui eté mbahe che remimombehu? Esepia, ndapeyapɨsaca potai eté che ñehe rese.

San Juan 8:43 Iomraidhean Croise

San Mateo 13:15

Esepia ava pɨ'a ñemoñetasa ko tekwa pɨpendar naporäi ete, ndayapɨsai ete sendu potae'ɨ̇save ndoyemboesapɨsoi avei sepia potae'ɨ̇save, ndosepia potai mba'e yuvɨreko ndosendu potai avei ñe'ësa avɨye va'e, ndosendukwa potai mba'e ndoyevɨ potai avei yuvɨreko cheu, che nambogwerai va'erä avei.’ ”

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.

San Juan 5:43

Che ni'ä ayu che Ru rer pɨpe, pe rumo ndache reroyai ete peye; ouse rumo ambuae ava oyesui tëi oñe'ë va'e, evokoi nungar tëi peroyara.

San Juan 6:60

Osenduse ko yembo'esa, seta Jesús rupi ogwata va'e aipo e'i yuvɨreko: –Ko aipo e'i va'e yavai ete seroya agwä yandeu; ¿ava vo vɨroya tëira viña?

San Juan 7:17

Akoi ñepëi ikere'ɨ̇ va'e oyapo va'erä Tüpä remimbotar, oikwara che porombo'esa nda'ei va'e che suindar a'e Tüpä suindar ite anise añe'ë cheyesui tëi vichiko.

San Juan 8:27

A'e rumo ndosendukwai ete Vu rese iñe'ëse yuvɨreko.

San Juan 8:33

A'e omboyevɨ yuvɨreko chupe: –Ore rumo oroiko Abraham suindar ite, ndoroikoi va'e ava rembigwai tëi; ¿ma'erä vo aipo ere oreu pesëra mbigwai nungar pe rekosa sui?

San Juan 8:39

A'e aipo e'i yuvɨreko chupe: –¡Ore yesupa rumo Abraham! Ipare Jesús omboyevɨ chupe: –Abraham ra'ɨrɨ ite peikose viña, peyapora mba'e sembiapo nungar viña.

Los Hechos 7:51

“Pe rumo–ndapeyapɨsaka potai va'e ite peiko e'i Esteban chupe–oime tëi pe nambi, pe pɨ'a avei, ipɨpe rumo ndapeikwai ete ñe'ësa avɨye va'e. Espíritu Maräne'ɨ̇ amotare'ɨ̇mbar ite peiko yepi. Peramoi nungar tuprɨ avei peiko.

Romanos 3:11

Ndipoi ete ava osendukwa tuprɨ va'e mba'e. Ndipoi avei Tüpä oseka va'e yuvɨreko.