San Juan 8:21 - Tüpä Ñe'ëngagwer

²¹ Jesús rumo aipo e'i iri: –Che asose, pe che reka tëira peye, pemanopara pe angaipa pɨpe. Che asosave ndapeikatui chietera peso va'erä.

Tũpa Ñehengagüer

²¹ Jesús aipo ehi iri: —Che asose, che reca tẽira peye. Pe rumo opara pemano pe angaipa reseve. Che sosave ndapeicatui chietera peso vaherã —ehi.

San Juan 8:21 Iomraidhean Croise

San Mateo 23:39

iyavei aipo a'e peü, ko suive tuprɨ, ndache repiai chira peye akoi aipo peye rane itera, ‘¡Imboeteiprɨ yande Yar remimbou tasekoi!’ ”

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Mateo 25:46

A'e ava yuvɨrasora Tüpä ñemoɨrösa apɨre'ɨ̇ va'esave, seko ɨ̇vi va'e rumo teko orɨ opae'ɨ̇save yuvɨrasora.”

San Juan 12:33

Aipo ñe'ësa pɨpe omboyekwa tuprɨ ite marä e'ira omano kuri.

San Juan 12:35

Jesús aipo e'i ava upe: –Sekoi vɨtera tesapesa pe pa'üve, a'e rumo sekoira movɨrö arɨ rupi tëi. Pegwata katu ko tesapesa oime vɨte seve, avɨyeteramo pe resapɨ'a tëira pɨ̇tümimbi va'e, esepia akoi ogwata va'e pɨ̇tümimbisa rupi, ndoikwai kerupi ogwata oiko.

San Juan 13:33

Che ra'ɨreta che rembiaɨsu, ndaiko puku iri chira rumo pe rese. Pe rumo che reka tëira peye; inungar akoi amombe'u va'e judío eta upe a'e tuprɨ avei aipo amombe'u kurïtëi peü: Ndapei katui chietera peso va'erä che asosave.

San Juan 7:34

Che reka tëira peye, ndapeikatui chietera rumo che reka agwä, esepia ndapeikatui chira peso va'erä che rekosave.

San Juan 7:36

¿Marä oya pi'ä aipo e'i ‘Che reka tëira peye, ndapeikatui chietera rumo che reka agwä, esepia ndapeikatui chira peso va'erä che rekosave’?

San Juan 8:24

Sese ni'ä akoi aipo a'e peü pemanopa itera angaipa pɨpe; esepia ndache reroyaise peye Che Aikose, pemanopa itera angaipa pɨpe.

Efesios 2:1

Pe rumo yɨpɨndar peiko omano va'e nungar ite mba'e-mba'e tëi aposa pɨpe peyemboangaipasa pɨpe avei.