San Juan 7:35 - Tüpä Ñe'ëngagwer

³⁵ Evokoiyase judío eta omboɨpɨ oporandu-randu oyeupe yuvɨreko: –¿Ke pi'ä osora ko mbɨa ndayaikatui va'erä seka agwä viña? ¿Osora tie judío oñemosaï va'e pa'ü rupi oiko, iyavei nda'ei va'e ava judío mbo'e agwä pi'ä?

Tũpa Ñehengagüer

³⁵ Evocoiyase judío oporandu-randu oyeupe yuvɨreco: —¿Que pĩha aipo osora yande sui seca iriẽhɨ ãgua? ¿Osora tie que amombrɨ yande mu oñemosai vahe pãhu rupi ambuae ava ndahei vahe yande mu mbohe ãgua?

San Juan 7:35 Iomraidhean Croise

San Mateo 12:21

Iyavei opakatu ɨvɨ rupindar oyeroyara yuvɨreko sese.”

San Lucas 2:32

a'e ni'ä poroesapesa sekoi opakatu tekwa upe narä iyavei omboyekwara poromboeteisa supiete va'e nde rekwa Israel pendar upe.”

San Juan 12:20

Yuvɨraso va'e ava re'ɨi pa'ü rupi Jerusalén ve oyerure agwä pieta pɨpe, a'eve avei oime aipo movɨrö griego yuvɨrekoi va'e.

San Juan 7:1

Ko ipare, Jesús ogwata ɨvɨ Galilea rupi. Ndosopotai ete ɨvɨ Judea rese, esepia a'eve judío eta oseka ite yuka agwä yuvɨreko.

San Juan 8:22

Judío eta aipo e'i yuvɨreko chupe: –¿Ipɨ'añemoñeta pi'ä oyeyuka va'erä, iyavei sese pi'ä aipo e'i ndayaikatui chietera yaso agwä sekosave?

Los Hechos 11:18

Osenduse rumo ñe'ësa Jesús reroyasar Jerusalén pendar yuvɨreko, noñe'ëi tuprɨ iyavei omboetei Tüpä, aipo e'i yuvɨreko: –¡Evokoiyase ko Tüpä omondo avei nda'ei va'e judío upe sekokwer rekuñarö agwä, iyavei tekovesa apɨre'ɨ̇ vɨreko va'erä yuvɨreko!

Los Hechos 11:20

Oime rumo, Jesús reroyasar Chipre ve Cirene ve avei oyepota tekwa Antioquía ve yuvɨraso ipare omombe'u avei ñe'ësa avɨye va'e yande Yar Jesús rekokwer resendar yuvɨreko.

Los Hechos 14:1

Pablo iyavei Bernabé, oyepota tekwa Iconio ve yuvɨraso a'eve yuvɨroike judío oɨ ñemu'äsave, iyavei omombe'u tuprɨ ñe'ësa avɨye va'e yuvɨreko sese seta oime seroyasar, judío eta iyavei nda'ei va'e judío.

Los Hechos 17:4

Oime movɨrö judío ipa'ü pendar seroyasar oyemboya Pablo iyavei Silas rese. Seta avei ava griego yuvɨrekoi va'e Tüpä mboeteisar, seta avei kuña imboeteiprɨ va'e oyemboya sese yuvɨreko.

Los Hechos 18:4

Iyavei mbɨtu'usa arɨ yakatu rupi Pablo oso oɨ judío ñemonu'äsave, a'eve omombe'u Jesucristo rekokwer ava judío upe nda'ei va'e judío yuvɨreko va'e upe avei.

Los Hechos 21:21

Eremombe'u avei opakatu judío upe yuvɨrekoi va'e ambuae tekwa rupi nde erembo'e Moisés porokwaita reroya e'ɨ̇ agwä, iyavei aipo ere pembocircuncida iri rene pe ra'ɨrɨ, iyavei peiko iri rene yande rekokwer araka'endar pɨpe.

Los Hechos 22:21

Yar rumo aipo e'i cheu: ‘Eso eiko, esepia oromondora tekwa amombrɨ va'esave.’ ”

Romanos 1:16

Che nachi ete ko ñe'ësa pɨsɨrösa resendar avɨye va'e sui, esepia a'e Tüpä pirätäsa opakatu seroyasar pɨsɨrö agwä, judío rane yɨpɨndar, ipare opakatu ambuae ava-ava tëi avei.

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

1 Timoteo 2:7

Sese che supiete Jesús ñe'ë mombe'usar, ikwaiprɨ aiko Tüpä ñe'ëngagwer mombe'u agwä, ava nda'ei va'e judío mbo'e agwä, ko yeroyasa rese iyavei supiete va'e rese; supiete ndopombopai.

2 Timoteo 1:11

Tüpä ni'ä che kwai ko ñe'ësa mombe'u agwä, che kwai avei Jesús ñe'ë mombe'usar che reko agwä, iyavei che porombo'e agwä.

Santiago 1:1

Che Santiago, Tüpä, yande Yar Jesucristo rembigwai aiko, amondo che ma'endu'asa opayandepo yovaive ñuvɨrïo yuvɨrekoi va'e Israel ɨgwar opakatu ɨvɨ rupi oñemosaï va'e upe.

1 San Pedro 1:1

Che Pedro, Jesucristo ñe'ë mombe'usar aikwachia ko che ñe'ë peü, pe Tüpä rembiporavo pe rekwa pɨpe sui peñemosai va'e ɨvɨ Ponto, Galacia, Capadocia, Asia iyavei Bitinia rupi peiko va'e upe,