San Juan 7:31 - Tüpä Ñe'ëngagwer

³¹ Seta iteanga rumo ava vɨroya va'e, iyavei aipo e'i yuvɨreko: –Koiye ouse Poropɨsɨrösar, ¿oyapora pi'ä seta katu poromondɨisa avɨye va'e ko mbɨa sui?

Tũpa Ñehengagüer

³¹ Setá iteanga rumo ava vɨroya iyavei aipo ehi yuvɨreco: —Ouse Poropɨ̃sɨrosar, ¿oyapo catura pĩha mbahe poromondɨisa co mbɨa sui? —ehi yuvɨreco.

San Juan 7:31 Iomraidhean Croise

San Mateo 12:23

Opakatu ava oyepɨ'a mondɨisave aipo e'i tëi yuvɨreko: “¿Ko revo aipo David Ra'ɨrɨ sekoi?”

San Lucas 8:13

Mba'e rä'ɨi seitɨprɨ ita pa'ü rupi, a'e inungar akoi ava osendu va'e ñe'ësa avɨye va'e iyavei oipɨsɨ ovɨ'aretesa pɨpe, a'e rumo ndovɨrekoi gwapo ovɨräkwä tuprɨ agwä oyese; vɨroya raimi tëi yuvɨreko, oyepotase rumo tekoa'äsa arɨ chupe ipare opaño oyepepɨ yuvɨreko ichui.

San Juan 11:45

Ko rese seta iteanga Jesús reroyasar yuvɨraso va'e judío María rupi osepia avei mba'e sembiapokwer yuvɨreko.

San Juan 12:11

esepia a'e ichui tëi ni'ä seta iteanga judío oyepepɨ yuvɨreko Jesús reroya agwä.

San Juan 12:42

Koiye katu, seta ite judío vɨroya va'e Jesús, seko ɨvate katu va'e avei. A'e rumo nomboyekwai ete seroyasa yuvɨreko fariseo sui osɨkɨyepave omombo e'ɨ̇ agwä oɨ judío ñemonu'äsa sui yuvɨreko.

San Juan 2:11

Ko yɨpɨndar poromondɨisa Jesús oyapo va'e tekwa Caná Galilea ɨvɨ rupi, a'eve omboyekwa gweko pirätäsa; iyavei semimbo'e eta vɨroya ite yuvɨreko.

San Juan 3:2

A'e oso Jesús pɨri pɨ̇tü pɨpe, aipo e'i chupe: –Porombo'esar, oroikwa ite Tüpä nde mbouse ore mbo'e agwä eve, esepia ndipoi ete ava oikatu va'e poromondɨisa apo inungar nde ereyapo va'e, Tüpä oyese seko e'ɨ̇se.

San Juan 4:29

–Perio, tapesepia pe ñepëi ava opakatu tuprɨ omombe'u mba'e che rembiapokwer cheu. ¿Nda'ei pi'ä a'e Poropɨsɨrösar?

San Juan 4:39

Seta ava tekwa Samaria pendar vɨroya Jesús yuvɨreko kuña ñe'ë sui: “Opakatu tuprɨ omombe'u mba'e che rembiapo cheu.”

San Juan 6:2

Ava re'ɨi yuvɨraso sakɨkwei, esepia osepia ite yuvɨreko oyapose mba'e poromondɨisa imba'easɨ va'e mbogwerase.

San Juan 7:26

A'e ni'ä ko sekoi, oñe'ë ava pa'üve rupi, iyavei ndipoi ete marä e'i va'e yuvɨreko chupe. ¿Omo'ä pi'ä mborerekwa eta ko mbɨa supietese Poropɨsɨrösar seko agwä yuvɨreko?

San Juan 9:16

Oime fariseo pa'ü pendar aipo e'i yuvɨreko: –Akoi oyapo va'e ko nungar mba'e nda'ei ete Tüpä suindar, esepia ni'ä nomboetei ete mbɨtu'usa arɨ. Ambuae rumo aipo e'i yuvɨreko: –¿Marä e'ira pi'ä poromondɨisa apo viña, angaipa viyar tëi gwekose? Esepia oyeavɨratɨ tëi ipɨ'añemoñetasa yuvɨreko,

Los Hechos 8:13

A'e Simón avei vɨroya, ipare oñeapirämo uka ichui ogwata Felipe rupi, osepia poromondɨisa tuvicha va'e iyavei Tüpä suindar ndayasepiai va'e rese oyepɨ'amondɨi tëi.

Santiago 2:26

Egwë e'i yande rembiapo katuprɨ ndayamboyekwaise yande yeroyasa pɨpe, a'e inungar avei Espíritu ndasekoise yande rese, yande yeroyasa evokoiyase omano tëiete oiko.