San Juan 7:30 - Tüpä Ñe'ëngagwer

³⁰ Evokoiyase oipɨsɨ pota yuvɨreko sokenda agwä viña, ndipoi ete rumo ikere'ɨ̇ va'e esepia ndoyepota vɨtei arɨ ipapaprɨ chupe.

Tũpa Ñehengagüer

³⁰ Aipo ihese, oipɨsɨ pota yuvɨreco soquenda ãgua viña. Aní eté rumo. Esepia, ndoyepota vɨtei iharɨ chupe.

San Juan 7:30 Iomraidhean Croise

San Mateo 12:14

Evokoiyase fariseo eta opase yuvɨnosë yuvɨraso, oyemoigätupa voi ete Jesús yuka agwä yuvɨreko.

San Mateo 21:46

Evokoiyase oipɨsɨ pota voi yuvɨreko viña, osɨkɨyeño rumo, esepia ava vɨroya ite Jesús yuvɨreko Tüpä ñe'ë mombe'usar sekoise.

San Marcos 11:18

Aipo osenduse, pa'i eta rerekwar iyavei oporombo'e va'e Moisés porokwaita rese omboɨpɨ voi ete seka marä e'ira Jesús yuka uka agwä yuvɨreko, a'e rumo osɨkɨye tëi, esepia opakatu ndoyembovɨ'ai tëi iporombo'esa rese yuvɨreko.

San Lucas 20:19

Pa'i eta rerekwar iyavei oporombo'e va'e Moisés porokwaita rese osokenda pota Jesús yuvɨreko a'e arɨ pɨpe, a'e osendukwa ite ko porombo'esa oyeupendar. A'e rumo osɨkɨyeño ite ava sui yuvɨreko.

San Lucas 22:53

Arɨ yakatu rupi tüpäro pɨpe aiko pe pa'üve, ndapeyapoi ete ko nungar che pɨsɨ agwä. Avɨyeño rumo, oyepota ni'ä peü imombe'uprɨ Karugwar pirätäsa pɨpe mba'e-mba'e tëi apo agwä.

San Juan 10:31

Judío eta osupipa iri ita yapi-yapi agwä yuvɨreko,

San Juan 10:39

Osokenda pota iri yuvɨreko viña, Jesús rumo oñemiño ipa'ü sui.

San Juan 11:57

Fariseo eta iyavei pa'i eta rerekwar oporokwai yuvɨreko akoi osepia va'e Jesús rekosa pe mombe'ura oreu, oroikatu va'erä ipɨsɨ.

San Juan 7:19

“¿Nda'ei vo supiete Moisés omondo mborokwaita peü? Iyavei, ñepëi pe pa'ü pendar ndipoi ete omboyeroya va'e. ¿Ma'erä vo che yuka pota peye?”

San Juan 7:32

Fariseo eta osendu ava ñe'ësa Jesús resendar; iyavei pa'i eta rerekwar oyokwai sundao tüpäro rärösar ipɨsɨ agwä yuvɨreko.

San Juan 7:6

Jesús rumo aipo e'i chupe: –Nde'i vɨtei rumo arɨ cheu, peü rumo opakatu arɨño tëiete avɨye va'e yepi.

San Juan 7:8

Pesoño pe pieta repia; che ndasoi chira, esepia ndosupitɨ vɨtei ete arɨ imombe'uprɨ cheundar.

San Juan 8:20

Jesús omombe'u ko mba'e oporombo'ese tüpäro pɨpe oiko, gwarepochi rɨru porerekosa rovai. Ndipoi ete rumo osokenda va'erä, esepia ni'ä ndoyepota vɨtei ete i'arɨ chupe.

San Juan 8:37

Aikwa ni'ä Abraham suindar peikose; pe rumo che yuka potaño peye esepia ndaperoyai ete che ñe'ë yepi.

San Juan 8:59

Evokoiyase osupi ita yapi-yapi agwä yuvɨreko; Jesús rumo oñemi osë tuprɨño tüpäro pɨpe sui.

San Juan 9:4

Oime vɨteseve arɨ, yayapora mboravɨkɨ che mbousar porokwaita rupi; esepia pɨ̇türa, a'ese ndipoi chietera oporavɨkɨ va'e.