San Juan 7:24 - Tüpä Ñe'ëngagwer

²⁴ Ndape ñemoñetai chira ambuae ava rembiapokwer rese. Peñemoñetase ava rese, peyapo katu mba'e supi tuprɨ va'e yepi.

Tũpa Ñehengagüer

²⁴ “Oyavɨ evocoi” peye voi rene catu ava upe; peicua tuprɨ rane ‘¿supi eté pĩha?’ pe yapave —ehi Jesús ava eta upe.

San Juan 7:24 Iomraidhean Croise

San Juan 7:25

Oime yuvɨrekoi vɨte va'e Jerusalén ve a'e omboɨpɨ oporandu yuvɨreko chupe: –¿Nda'ei vo akoi ko oseka tëi va'e yuka agwä yuvɨreko?

San Juan 8:15

Pe, pemokañɨ ava peiko pɨ'añemoñeta ɨvɨ pɨpendar rupi tëi. Che rumo namokañɨi ete ñepëi ava;

2 Corintios 10:7

Pe rumo pema'eño tëi a'e ava rekokwer rese. Akoi ava pe pa'ü pendar oikwa va'e Cristo rese gwekosa, toikwa tuprɨ avei ore Cristo rese ore rekosa yuvɨreko.

Santiago 2:1

Iyavei no, che rɨvrɨ eta, peroya va'e yande Yar Jesucristo seko porañete va'e peiko, ndapeyeaɨsu yoavɨi chira.

Santiago 2:4

evokoiyase peyapo mba'e ndoyoyai va'e, ipɨpe avei peyapo mba'e naporäi va'e peiko pe pɨ'añemoñeta raisa pɨpe.

Santiago 2:9

Akoi peyeaɨsu yoavɨratɨ tëise rumo, a'ese oyapo angaipa, oyavɨ ite mborokwaita Tüpä rovai yuvɨreko.