San Juan 7:19 - Tüpä Ñe'ëngagwer

¹⁹ “¿Nda'ei vo supiete Moisés omondo mborokwaita peü? Iyavei, ñepëi pe pa'ü pendar ndipoi ete omboyeroya va'e. ¿Ma'erä vo che yuka pota peye?”

Tũpa Ñehengagüer

¹⁹ “Moisés niha omondo tẽi mborocuaita pẽu. Que ñepei pe pãhu pendar rumo ndipoi eté omboyeroya vahe. ¿Mahera ru che yuca pota peye?” ehi.

San Juan 7:19 Iomraidhean Croise

San Mateo 12:14

Evokoiyase fariseo eta opase yuvɨnosë yuvɨraso, oyemoigätupa voi ete Jesús yuka agwä yuvɨreko.

San Mateo 21:38

Evokoiyase ta'ɨrɨ repiase oporavɨkɨ va'e, aipo e'i oyeupe yuvɨreko: ‘Ko aipo oipɨsɨra opakatu oyesupa mba'e; yayukaño a'ese ko ɨvɨ opɨtara yandeu narä.’

San Marcos 11:18

Aipo osenduse, pa'i eta rerekwar iyavei oporombo'e va'e Moisés porokwaita rese omboɨpɨ voi ete seka marä e'ira Jesús yuka uka agwä yuvɨreko, a'e rumo osɨkɨye tëi, esepia opakatu ndoyembovɨ'ai tëi iporombo'esa rese yuvɨreko.

San Marcos 3:4

Ipare oporandu ambuae eta upe: –¿Mba'e vo yaposara mbɨtu'usa arɨ pɨpe yepi: mba'e avɨye va'e pi'ä, mba'e naporäi va'e tie? ¿Yaipɨsɨröra pi'ä ava rekokwer, anise yamokañɨ uka tëira tie? A'e rumo opaño ikiriri tuprɨ yuvɨreko.

San Marcos 3:6

A'ese fariseo opa yuvɨnosë yuvɨraso, oyemoigätu Herodes rupindar rese Jesús yuka agwä yuvɨreko.

San Juan 1:17

esepia mborokwaita yaipɨsɨ ou va'e Moisés sui yepi; poroaɨsusa rumo iyavei mba'e supiete va'e, a'e yavɨye ite Jesucristo rupi.

San Juan 10:39

Osokenda pota iri yuvɨreko viña, Jesús rumo oñemiño ipa'ü sui.

San Juan 11:53

Egwë e'i a'e arɨ pɨpeve judío eta rerekwar oyemoigätupa Jesús yuka agwä yuvɨreko.

San Juan 5:16

Sese judío osakɨkwei moña Jesús yuvɨreko, esepia a'e oyapo mbɨtu'usa arɨ pɨpe porombogwerasa.

San Juan 5:18

Aipo iñe'ë rese, judío eta oipota ite yuka agwä yuvɨreko, esepia nda'ei mbɨtu'usa arɨ gweraño nomboyeroyai, a'e rumo oyeapo tëi Tüpä nungar Tüpä che Ru e'i tëi oiko.

San Juan 5:45

Ndapepɨ'a ñemoñetai chira che pe rekokwer mombe'u agwä rese che Ru rovai; Moisés peroya va'e ite ni'ä oikwachia pe Tüpä reroya e'ɨ̇sa chupe imombe'u agwä.

San Juan 7:1

Ko ipare, Jesús ogwata ɨvɨ Galilea rupi. Ndosopotai ete ɨvɨ Judea rese, esepia a'eve judío eta oseka ite yuka agwä yuvɨreko.

San Juan 7:25

Oime yuvɨrekoi vɨte va'e Jerusalén ve a'e omboɨpɨ oporandu yuvɨreko chupe: –¿Nda'ei vo akoi ko oseka tëi va'e yuka agwä yuvɨreko?

Los Hechos 7:38

A'e avei akoi ɨvɨ iporupɨre'ɨ̇sa rupi ava pa'ü rupi sekoi, chupe avei oñe'ë mbigwai ɨva pendar ɨvɨtrɨ Sinaí ve yande ramoi rese; a'e avei oipɨsɨ ñe'ësa tekovesa resendar yandeu imbou agwä.”

Gálatas 3:19

Evokoiyase ¿ma'erä pi'ä avɨye Moisés porokwaita? Esepia ava poreroya e'ɨ̇sa kwa agwä Tüpä ombou oporokwaita Moisés upe araka'e. Ko porokwaitavrɨve rumo ava yuvɨrekoi akoi oyepotase voi “Abraham suindar” Jesús Tüpä remimombe'ugwer rupi, yɨpɨndar rumo Tüpä oyokwai gwembigwai ɨva pendar oporokwaita mombe'u agwä Moisés upe araka'e tomombe'u evokoiyase Moisés che porokwaita opakatu ava upe oyapave.

Gálatas 6:13

Akoi oyembocircuncida uka tëi va'e avei rumo nomboavɨyei ete opakatu porokwaita remimombe'u yuvɨreko. Oipota rumo pe mbocircuncida ukara oyemboɨvateai agwä pe kwaise evokoi nungar apo yuvɨreko.